Yuvan Shankar Raja: யுவனுக்குப் பிடித்தப் பாடல் இது தானா…?

நவம்பர் 4 ஆம் தேதி பிரதீப் ரங்கநாதன் இயக்கி, நடித்த படம் ‘லவ் டுடே’. மேலும் இப்படத்தில் பிரதீப் ரங்கநாதன், இவானா, சத்யராஜ், ராதிகா சரத்குமார், யோகி பாபு, சூப்பர் சிங்கர் ஆஜித் ஆகியோர் நடித்திருந்தனர்.

காதலர் இருவரும் செல் போன்களை  ஒருவருக்கொருவர் மாற்றி கொள்வதால் ஏற்படும் சிக்கலும் பிரச்சனையும் தான் படத்தின் திரைக்கதை. கடந்த ஆண்டு தமிழ் சினிமாவில் பெரிய பட்ஜெட் படங்களின் மத்தியில் சர்ப்ரைஸ் ஹிட்டாக அமைந்த இப்படம் ரசிகர்கள் மத்தியில் கொண்டாடப்பட்டது. தமிழில் இந்தப்படத்திற்கு கிடைத்த அமோக வரவேற்பை தொடர்ந்து, லவ் டுடே படம் கடந்த செப்டம்பர் 25 ஆம் தேதி தெலுங்கில் வெளியிடப்பட்டது.

இப்படம் 9 கோடி ரூபாய் செலவில் உருவாக்கப்பட்டு தற்போது 100 வது நாளான இன்றுடன் 80 கோடியை பாக்ஸ் ஆபிசில் வசூலித்து செய்துள்ளதாக தகவல் வெளியாகியுள்ளது. இந்நிலையில் லவ் டுடே திரைப்படத்தின் 100-வது நாள் வெற்றி கொண்டாட்டம் சமீபத்தில் நடைபெற்றது.

Moments from the 100 Days Historical Victory of #LoveToday Celebration!#100DaysOfLoveToday
A @pradeeponelife show
A @thisisysr Vibe@Ags_production #KalpathiSAghoram #KalpathiSGanesh #KalpathiSSuresh @RedGiantMovies_ @Udhaystalin @archanakalpathi @MShenbagamoort3 @aishkalpathi pic.twitter.com/pE4h5BA4mr

— AGS Entertainment (@Ags_production) February 15, 2023

‘லவ் டுடே’ 100வது நாள் வெற்றி கொண்டாட்டம் நிகழ்ச்சியில் படத்தின் இசையமைப்பாளர் யுவன் ஷங்கர் ராஜா கலந்து கொண்டார். அவர் பேசும்போது,”பிரதீப் ரங்கநாதன் தான் ‘என்னை விட்டு உயிர் போனாலும்…’ பாடலின் வரிகளை எழுதினார். எனக்கு படத்தில் பிடித்த பாடல் ‘பச்சை இலை…’. மிகவும் ஜாலியாக கொஞ்ச நேரத்திலேயே அதை கம்போஸ் செய்துவிட்டேன். வேலை செய்யும் அட்மாஸ்பியர் ஜாலியாக இருந்தது” என்று கூறினார்.

‘லவ் டுடே’ படத்தின் வெற்றிக்கு முக்கியமான காரணமாக யுவன் ஷங்கர் ராஜா இசை அமைந்தது என்பது குறிப்பிடத்தக்கது.