தொழில்நுட்பம்
இ-லர்னிங்கிள் முதலீட்டை குவிக்கும் யூடியூப்!
வேகமாக வளர்ந்து வரும் இணைய உலகில், ஆன்லைனை ஒரு பொழுதுபோக்காக மட்டுமல்லாமல், அறிவை வளர்த்துக்கொள்ளவும் பயன்படுத்துவது அதிகரித்து வருகிறது.
இதை நன்கு புரிந்துகொண்ட, 26.5 கோடி இந்திய பயனர்களுடைய யூடியூப் நிறுவனம், யூடியூப் மூலமாக இ-லர்னிங் போன்ற வீடியோக்களை அளித்து வரும் சேனல்களுக்கு நிதி அளிக்க முடிவு செய்துள்ளது.
அதற்காக ஞாயிற்றுக்கிழமை யூடியூப் நடத்திய “EduCon” என்ற மாநாட்டில், “ ExamFear Education Hindi, Learn Engineering, Don’t Memorise, Study IQ Education, D’art of Science, Learnex-English Lessons Through Hindi, GetSetFlySCIENCE மற்றும் Let’s Make Engineering Simple” உள்ளிட்ட யூடியூப் சேனல்களுக்கு நிதி அளிக்க உள்ளதாகத் தெரிவித்துள்ளது.
யூடியூப் அளிக்கும் நிதியைப் பயன்படுத்தி, மேலே பட்டியலிட்டுள்ள யூடியூப் சேனல்கள் சிறந்த கற்றல் உள்ளடக்கங்களை அளிப்பார்கள்.
முதற்கட்டமாகத் தமிழ், இந்தி, ஆங்கிலம் ஆகிய மொழிகளில் ஆங்கில பயிற்சி, சுற்றுச்சூழல் அறிவியல், அரசியல் அறிவியல், கால்குலஸ், மரபியல் மற்றும் வேதியியல் உள்ளிட்ட பிரிவுகளில் தரமான வீடியோக்கள் உருவாக்கப்பட உள்ளன.
