சினிமா செய்திகள்
ப்ளூ சட்டை மாறன் படத்துக்கு தனிக்கை சான்றிதழ் வழங்க மறுப்பு.. காரணம் என்ன?
தமிழ் திரைப்படங்களை விமர்சனங்கள் மூலமாகக் கிழித்துத் தொங்க விடுபவர் ப்ளு சட்டை மாறன். அதனால் இவரைப் பல தயாரிப்பாளர்களுக்குப் பிடிக்காது.
ப்ளூ சட்டை மாறன் பட விமர்சனங்களை எதிர்த்த தயாரிப்பாளர்கள் மற்றும் இயக்குநர்கள், உன்னால் முடிந்தால் ஒரு படத்தை இயக்கு அதை வெற்றி பெற செய்து காட்டு என்றெல்லாம் சவால் விட்டனர்.
அதை ஏற்றுக்கொண்ட ப்ளூ சட்டை மாறன், ஃபர்ஸ்ட் காபி அடிப்படையில் சுரேஷ் காமாட்சி தயாரிப்பில் Anti Indian என்ற படத்தை இயக்கியும் முடித்துவிட்டார். இந்நிலையில் அந்த படத்தைத் தனிக்கை செய்த தனிக்கை குழுவினர், அதற்கு தனிக்கை சான்றிதழ் வழங்க முடியாது என்று கூறிவிட்டனர்.
எனவே படக்குழு Anti Indian மறு தனிக்கைக்கு அனுப்பத் திட்டமிட்டுள்ளது. அதிலும் படத்துக்குத் தனிக்கை வழங்க மறுத்தால் Tribunal என்ற அமைப்பிடம் தனிக்கை செய்ய அனுப்புவார்கள். அப்போதும் இல்லை என்றால் நீதிமன்றம் சென்று தனிக்கை சான்றிதழ் பெறுவதைத் தவிர வேறு வழி இல்லை என்றும் கூறுகின்றனர்.
Anti Indian படத்துக்குத் தடை விதிக்க, தமிழ் தயாரிப்பாளர்கள் கூட்டுச் சதிதான் காரணம் என்று கூறுகின்றனர். ஆனால் ஏற்கனவே இந்த படத்தைப் பார்த்துள்ள வலைப்பேச்சு பிஸ்மி உள்ளிட்டவர்கள், படத்தின் கதை கடவுள், மதத்தை வியாபாரமாக செய்பவர்களை விமர்சிக்கும் விதித்தாக உள்ளது. அதுதான் தனிக்கை குழு மறுப்பு தெரிவித்ததற்கான காரணமாக இருக்கும். நாட்டிற்குத் தேவையான கருத்துடன் தான் படம் உருவாகியுள்ளது. மண்டேலா படம் போன்று பல நல்ல கருத்துக்களைப் படம் சென்று சேர்க்கும். பல விருதுகளைக் குவிக்கும் என்று கூறியுள்ளனர்.
தயாரிப்பு தரப்பில் விசாரித்த போது, மறு தனிக்கைக்கு படத்தை அனுப்ப உள்ளதாகவும், படம் ஏற்கனவே ஒரு சர்வதேச பட விழாவில் விருது பெற்றுள்ளதாகவும், விரைவில் அது குறித்த அறிவிப்புகளை வெளியிடுவோம் என்றும் தெரிவித்துள்ளனர். ஆனால் எந்த காரணத்துக்காக படத்துக்கு தனிக்கை சான்றிதழ் அளிக்க முடியாது என்று சென்சார் குழு கூறவில்லை என்று கூறப்படுகிறது. இதே போன்று ஜீவா நடிப்பில் வெளியான ஜிப்ஸி படத்துக்கும் சிக்கல்கள் வந்ததும் குறிப்பிடத்தக்கது.
