இந்தியா
பிப்ரவரி 26 முதல் இந்தியாவில் அறிமுகமாகும் Xiaomi 13 Pro: என்னென்ன சிறப்பம்சங்கள்?
உலகின் முன்னணி மொபைல் போன் தயாரிப்பு நிறுவனங்களில் ஒன்றான Xiaomi தற்போது இந்தியாவில் புதிய மாடல் ஒன்றை வெளியிட இருக்கும் நிலையில் மொபைல் போன் பிரியர்கள் மத்தியில் பரபரப்பை ஏற்படுத்தியுள்ளது. Xiaomi 13 Pro என்ற புதிய மாடல் இந்தியாவில் விரைவில் வெளியாகும் என்று எதிர்பார்க்கப்பட்ட நிலையில் தற்போது பிப்ரவரி 26 ஆம் தேதி வெளியாகும் என்றும் அமேசான் மூலம் இந்த மொபைல் ஃபோனை வாங்கிக் கொள்ளலாம் என்று அறிவிக்கப்பட்டுள்ளது.
5ஜி தொழில்நுட்பம் கொண்ட இந்த புதிய மொபைல் போன் இதுவரை இல்லாத அளவில் பல புதிய வசதிகளை கொண்டிருப்பதாகவும் தற்கால தலை முறை இளைஞர்களுக்கு இந்த போன் மிகவும் விருப்பத்திற்குரிய போனாக இருக்கும் என்றும் கூறப்படுகிறது.
சீனாவில் இந்த போன் அறிமுகம் செய்யப்பட்டபோது சுமார் 61 ஆயிரம் ரூபாய் இந்திய மதிப்பில் விற்பனை செய்யப்பட்டதாகவும் பிப்ரவரி 26 ஆம் தேதி வெளியாகும் இந்த ஃபோனில் விலை என்ன என்பதை பொறுத்திருந்துதான் பார்க்க வேண்டும் என்று கூறப்படுகிறது.
இகாமர்ஸ் தளமான அமேசான் நிறுவனத்தின் மூலம் பிப்ரவரி 26ஆம் தேதி முதல் இந்த மொபைல் போன் விற்பனைக்கு கிடைக்கும் என அதிகாரப்பூர்வமாக அறிவிக்கப்பட்டுள்ளது. இந்த போன் மாடலின் முழு விபரங்களை தற்போது பார்ப்போம்
* Xiaomi 13 Pro மாடலில் 6.73-இன்ச் 2K OLED டிஸ்ப்ளே
* டிஸ்பிளேவில் டால்பி விஷன் மற்றும் HDR10+ வசதி
* Snapdragon 8 Gen 2 SoC அம்சம்
* 2GB வரை LPDDR5X ரேம் மற்றும் 512GB வரை UFS 4.0 உள்ளடங்கிய சேமிப்பு திறன்
* 50-மெகாபிக்சல் 1-இன்ச் சோனி IMX989 முதன்மை சென்சார் மூலம் லைகா-பிராண்டட் டிரிபிள் ரியர் கேமரா
* 32 மெகாபிக்சல் செல்பி கேமிரா
* 120W வயர்டு சார்ஜிங் மற்றும் 50W வயர்லெஸ் சார்ஜிங்கிற்கான ஆதரவுடன் 4,820mAh அம்சம் கொண்டது
* 5G, Wi-Fi 6, Bluetooth v5.3 மற்றும் NFC ஆகியவை உண்டு.
