சினிமா செய்திகள்
ரிலீஸ் ஆன மறுநாளே புதுப்பட வாய்ப்பை பெற்ற ‘ரைட்டர்’ இயக்குனர்
அறிமுக இயக்குனர் பிராங்க்ளின் ஜேக்கப் இயக்கிய ‘ரைட்டர்’ திரைப்படம் ரிலீசான மறுநாளே அவருக்கு அடுத்த பட வாய்ப்பு கிடைத்துள்ள தகவல் பெரும் ஆச்சரியத்தை அளித்துள்ளது.
பிரபல இயக்குனர் பா ரஞ்சித் தயாரிப்பில் அவரது உதவியாளர் பிராங்க்ளின் ஜேக்கப் இயக்கிய திரைப்படம் ’ரைட்டர்’. சமுத்திரக்கனி உள்பட பலர் நடித்துள்ள இந்த திரைப்படம் சமீபத்தில் வெளியாகி நல்ல வரவேற்பை பெற்றது என்பதும் இந்த படத்திற்கு ஊடகங்கள் மிகப்பெரிய அளவில் பாசிட்டிவ் விமர்சனங்களை தந்து கொண்டிருக்கின்றன என்பது குறிப்பிடத்தக்கது.
தமிழ் சினிமாவில் ஒரு வித்தியாசமான கதையம்சம் கொண்ட படமாகவும் சமுத்திரகனியை வேறு ஒரு பரிணாமத்தில் பார்க்க வைக்கும் அளவிற்கு இயக்குனர் இந்த படத்தை இயக்கி இருந்தார் என்றும் வாழ்த்துகள் குவிந்தது.
இந்த நிலையில் ‘ரைட்டர்’ திரைப்படம் ரிலீசான மறுநாளே இயக்குனர் பிராங்க்ளின் ஜேக்கப்பிற்கு அடுத்த பட வாய்ப்பு கிடைத்துள்ளது. தமிழ் திரையுலகின் பிரபல தயாரிப்பு நிறுவனமான செவன் ஸ்டார் ஸ்டூடியோஸ் நிறுவனத்தின் லலித் தயாரிப்பில் உருவாகும் படத்தை பிராங்க்ளின் ஜேக்கப் இயக்க உள்ளதாக அதிகாரப்பூர்வமாக அறிவிக்கப்பட்டுள்ளது.
After the overwhelming appreciation and applauds for #writer, from both critics and audiences, @7screenstudio's has signed @frankjacobbbb for his second feature film!
Congratulations and best wishes to Lalit sir and Franklin! pic.twitter.com/PoeEOrh03B— pa.ranjith (@beemji) December 29, 2021
இது குறித்த ஒப்பந்தம் கையெழுத்தானது குறித்த புகைப்படமும் செவன் ஸ்க்ரீன் ஸ்டுடியோஸ் நிறுவனத்தின் டுவிட்டர் பக்கத்தில் வெளியிடப்பட்டுள்ளது என்பது குறிப்பிடத்தக்கது. ‘ரைட்டர்’ திரைப்படம் வெளியான மறுநாளே இயக்குனர் பிராங்க்ளின் ஜேக்கப்பிற்கு அடுத்தப்பட வாய்ப்பு கிடைத்துள்ளது கோலிவுட் திரையுலகில் பெரும் ஆச்சரியத்தை ஏற்படுத்தி உள்ளது என்பது குறிப்பிடத்தக்கது.
பிராங்க்ளின் ஜேக்கப் இயக்கும் இரண்டாவது படத்தில் ஹீரோவாக நடிக்க முன்னணி நடிகர் ஒருவரிடம் பேச்சுவார்த்தை நடத்தப்பட்டு வருவதாகவும் இது குறித்த அறிவிப்பு விரைவில் வெளியாகும் என்றும் கூறப்படுகிறது.
After @officialneelam's #Writer,
We are extremely happy to sign the most talented director @frankjacobbbb for our next ???????? @beemji @valentino_suren @proyuvraaj pic.twitter.com/ZauOhKuKPe— Seven Screen Studio (@7screenstudio) December 29, 2021