இரண்டாம் உலகப்போரின் கடைசி குண்டு டிரைலர் ரிலீஸ்!

அட்டகத்தி தினேஷ் நடிப்பில் உருவாகியுள்ள இரண்டாம் உலகப்போரின் கடைசி குண்டு படத்தின் டிரைலர் வெளியாகி உள்ளது.

பா. ரஞ்சித்தின் நீலம் புரொடக்‌ஷன்ஸ் சார்பில் உருவாகியுள்ள இரண்டாம் உலகப்போரின் கடைசி குண்டு படத்தின் டிரைலர் வெளியாகி உள்ளது. முற்றிலும் மாறுபட்ட திரைக்களத்தை அறிமுக இயக்குநர் அதியன் ஆதிரை இயக்கியுள்ளார்.

அட்டகத்தி தினேஷ், கயல் ஆனந்தி, ரித்விகா என பலர் இந்த படத்தில் நடித்துள்ளனர். இரண்டாம் உலகப்போரின் போது வெடிக்காமல் பல இடங்களில் ஒதுங்கியுள்ள ஒரு குண்டு நம் ஊரிலும் ஒதுங்குவது போலவும், அது வெடிக்காமல் இருக்க ஒரு காய்லங்கடைக்காரன் போராடும் போராட்டம் வெற்றி பெற்றதா இல்லையா என்பதை மையமாக வைத்து இந்த படம் உருவாக்கப்பட்டுள்ளது என்பதை டிரைலர் அழகாக உணர்த்துகிறது.

அட்டகத்தி தினேஷுக்கு சிறப்பான நடிப்பை வெளிப்படுத்த இந்த படம் உதவும் எனவும் எதிர்பார்க்கப்படுகிறது.

சமீபகாலமாக அட்டகத்தி தினேஷுக்கு விசாரணைக்கு பிறகு நல்ல வரவேற்பை எந்த படமும் பெறவில்லை என்ற நிலையில், இந்த படத்தின் தலைப்பு மற்றும் டிரைலரே பல விமர்சகர்கள் மத்தியில் இது ஒரு சிறந்த படமாக வெளியாகும் என்ற எதிர்பார்ப்பை உருவாக்கியுள்ளது.