உலகில் உள்ள அதிக மக்கள் பயன்படுத்தப்படும் பாஸ்வேர்டு என்ன தெரியுமா?

உலகிலுள்ள பெரும்பாலான மக்கள் பயன்படுத்தும் பாஸ்வேர்டு என்ன என்பது குறித்து ஆய்வு செய்த தனியார் நிறுவனம் அந்த பாஸ்வேர்டு என்ன என்பதை வெளிப்படுத்தி இருப்பது பெரும் ஆச்சரியத்தை ஏற்படுத்தி உள்ளது.

உலகமே தற்போது டிஜிட்டல்மயமாகி விட்டது என்பதும் அனைத்திற்கும் லாகின் செய்ய பாஸ்வேர்டு தேவை என்பதும் தெரிந்ததே. குறிப்பாக இ-காமர்ஸ் இணையதளம், பேமெண்ட் செயலிகள், கட்டணம் செலுத்துவது, வங்கி இன்டர்நெட் உள்ளிட்ட அனைத்துக்கும் பாஸ்வேர்ட்கள் தேவை என்பது குறிப்பிடத்தக்கது.

இந்த நிலையில் உலகில் உள்ள பெரும்பாலான மக்கள் என்ன பாஸ்வேர்டை உபயோகப்படுத்தி இருக்கிறார்கள் என்பதை தனியார் நிறுவனம் ஒன்று ஆய்வு செய்தது. அந்த நிறுவனத்தின் ஆய்வு முடிவின்படி அனைவரும் password என்ற பெயரையே பாஸ்வேர்டாக பயன்படுத்தி வருகிறார்கள் என்பது குறிப்பிடத்தக்கது.

இந்தியாவில் password என்ற பாஸ்வேர்டை 17 லட்சத்திற்கும் அதிகமானோர் பயன்படுத்தி வருகின்றனர் என்பதும் இந்தியா மட்டுமின்றி ஜப்பான், அமெரிக்கா, கனடா, ஆஸ்திரேலியா உள்ளிட்ட பல நாடுகளிலும் password என்பதையே பாஸ்வேர்டாக பயன்படுத்தப்பட்டு வருகிறது என்பது குறிப்பிடத்தக்கது.

அதேபோல் 12345 என்ற எண்ணை பாஸ்வேர்டாக மிக அதிக நபர்கள் பயன்படுத்துவதாக கூறப்படுகிறது. இந்த பாஸ்வேர்ட்கள் ஞாபகம் வைத்துக்கொள்ள மிகவும் எளிது என்பதால் இதனை பயன்படுத்திக் கொள்வார்கள் என்பதும் இதனால் ஹேக்கர்களுக்கு மிக வசதியாக உள்ளது என்பதும் குறிப்பிடத்தக்கது.

கடினமான பாஸ்வேர்ட் என்றால் ஹேக்கர்கள் கண்டுபிடிக்க கஷ்டம் என்றும் இது போன்ற எளிதான பாஸ்வேர்டை மிக எளிதில் ஹேக்கர்கள் கண்டுபிடித்து விடுவார்கள் என்பதால் பாஸ்வேர்டை கடினமாக வைக்க வேண்டும் என்றும் சைபர் கிரைம் ஏற்கனவே அறிவித்து உள்ளது என்பது குறிப்பிடத்தக்கது. அதேபோல் பெரும்பாலான பொதுமக்கள் தங்கள் பெயர்கள், பிறந்த தேதி ஆகியவற்றையும் பாஸ்வேர்டாக வைத்திருக்கிறார்கள் என்பது குறிப்பிடத்தக்கது.