இந்தியா
ஸ்விக்கியில் சானிடரி பேட் ஆர்டர் செய்த பெண்ணுக்கு காத்திருந்த ஆச்சரியம்.. வைரல் டுவிட்!
ஸ்விக்கியில் சானிட்டரி நாப்கின் ஆர்டர் செய்த பெண் ஒருவருக்கு ஆச்சரியம் காத்திருந்த நிலையில் இதுகுறித்து அவர் தனது ட்விட்டர் பக்கத்தில் பகிர்ந்துள்ள நிலையில் அந்த ட்விட்டர் வைரல் ஆகி வருகிறது.
தற்போதைய டெக்னாலஜி காலத்தில் வீட்டில் இருந்து கொண்டே அனைத்து பொருள்களையும் ஆன்லைன் மூலம் ஆர்டர் செய்து வரவழைத்துக் கொள்ளும் முறை மக்களிடம் அதிகரித்து வருகிறது. தொலைக்காட்சி, கம்ப்யூட்டர் முதல் சாதாரண மளிகை பொருட்களை வரை ஆன்லைனில் ஆர்டர் செய்தால் வீட்டுக்கு நேரடியாக டெலிவரி செய்யப்படுகிறது என்பது தெரிந்ததே.
அமேசான், பிளிப்கார்ட் உள்ளிட்ட நிறுவனங்களிடம் கிடைக்காத பொருளே இல்லை என்ற வகையில் அனைத்து பொருட்களும் கிடைப்பதால் பொதுமக்கள் ஷாப்பிங் செல்வதையே கிட்டத்தட்ட மறந்து விட்டார்கள் என்பது குறிப்பிடப்பட்டது. அது மட்டுமின்றி ஆன்லைனில் பொருள் வாங்கும் வாடிக்கையாளர்களை அவ்வப்போது நிறுவனங்கள் ஆச்சரியப்படுத்தி வருகிறது என்பதும் எதிர்பாராத பரிசுகளையும் அளித்து வருகிறது என்பது குறிப்பிடத்தக்கது.
அந்த வகையில் ஆன்லைனில் சானிடரி நாப்கின் பேட் ஆர்டர் செய்த பெண் ஒருவருக்கு கொத்துக்கொத்தாக சாக்லேட்டுகள் கிடைத்துள்ளது பெரும் ஆச்சரியத்தை ஏற்படுத்துள்ளது. சமீரா என்ற பெண் தனது ட்விட்டர் பக்கத்தில் இது குறித்து பகிர்ந்துள்ளார். நான் ஸ்விக்கி இன்ஸ்டாமார்ட்டில் சானிட்டரி பேட்களை ஆர்டர் செய்தேன். பார்சல் வந்ததும் பிரித்து பார்த்தபோது நாப்கின் அடியில் கொத்துக்கொத்தாக சாக்லேட்டுகள் இருந்ததை பார்த்தேன். அழகான சிந்தனை, ஆனால் இதை யார் செய்தார்கள் என்று தெரியவில்லை, ஸ்விக்கி நிறுவனமா? அல்லது கடைக்காரரா? என்று அவர் கேள்வி எழுப்பியிருந்தார்.
இந்த ட்விட் வைரலாகி ஏராளமான கமெண்ட்ஸ்களை பதிவு செய்து வருகிறது. யாராக இருந்தாலும் இந்த செயல் பாராட்டக் கூடியது என்றும் விளம்பர நோக்கங்களுக்காக அடிக்கடி இலவசங்கள் வழங்குவதாக இருந்தாலும் வாடிக்கையாளர்களின் மனநிலை சாக்லேட்டுகளை பார்த்ததும் குஷி ஆகிவிடும் என்றும் பயனர் ஒருவர் தெரிவித்துள்ளார்.
இவ்வாறு சின்னச்சின்ன பரிசுகள் அளிப்பதால் வாடிக்கையாளர்களுக்கு ஆறுதல் கிடைக்கும் என்றும் நுகர்வோரை மகிழ்விப்பதற்கு தயாரிப்பாளர்கள் செய்யும் ஒரு சிறப்பான செயல் என்றும் இன்னொரு பயனர் தெரிவித்துள்ளார். இன்னொரு பெண் பயனர் நான் சானிடரி நாப்கின் ஆர்டர் செய்த போது பிஸ்கட் பாக்கெட்டுகள் இருந்தது என்றும் தெரிவித்துள்ளார்.
I ordered sanitary pads from @SwiggyInstamart and found a bunch of chocolate cookies at the bottom of the bag.
Pretty thoughtful!
But not sure who did it, swiggy or the shopkeeper?
— Sameera (@sameeracan) January 25, 2023