தமிழ்நாடு
நேரம் வந்துவிட்டது.. ரஜினி ரசிகர்கள் எதிர்பார்க்கும் அந்த அறிவிப்பு வருகிறதா?
சென்னை: நடிகர் ரஜினிகாந்த் தனது அரசியல் கட்சி குறித்த அறிவிப்பை இன்னும் இரண்டு வாரத்தில் அறிவிக்க வாய்ப்புள்ளதாக அவருக்கு நெருக்கமானவர்கள் தெரிவிக்கிறார்கள் .
நடிகர் ரஜினிகாந்திற்கு இது மிகவும் சிறப்பான வருடம் என்றுதான் கூற வேண்டும். காலா, 2.0 உள்ளிட்ட படங்கள் தொடர்ச்சியாக வந்து ஹிட் அடித்து இருக்கிறது. இன்னும் பேட்ட வெளியாக காத்திருக்கிறது.
அதே சமயம் அரசியல்வாதி ரஜினிக்கு இது அத்தனை ஒன்றும் சிறப்பான வருடம் கிடையாது. பல ஏற்ற இறக்கங்களுடன்தான் இந்த வருடம் அவருக்கு சென்று இருக்கிறது.
இந்த நிலையில்தான் நடிகர் ரஜினிகாந்த் தனது அரசியல் கட்சி குறித்த அறிவிப்பை இன்னும் இரண்டு வாரத்தில் அறிவிக்க வாய்ப்புள்ளதாக அவருக்கு நெருக்கமானவர்கள் தெரிவிக்கிறார்கள். டிசம்பர் 12ம் தேதி அவரது பிறந்த நாள் அன்று ரஜினி இந்த அறிவிப்பை வெளியிடுவார் என்று கூறுகிறார்கள். இதற்காக அவர் தனது ரசிகர்களை சந்திக்க இருப்பதாகவும் தெரிவிக்கப்பட்டுள்ளது.
