சினிமா செய்திகள்
அதர்வாவின் 100 படம் ரிலீசாகுமா?
சாம் ஆண்டன் இயக்கத்தில் அதர்வா, ஹன்சிகா, யோகிபாபு மற்றும் ராதாரவி நடிப்பில் உருவாகியுள்ள 100 படம் இன்று வெளியாகும் என டிக்கெட் புக்கிங்கெல்லாம் நடந்து பின்னர், எந்த காரணமும் சொல்லாமல் ரிலீஸ் தேதி தள்ளிப்போயுள்ளது.
டார்லிங், இவனுக்கு இன்னொரு பெயர் இருக்கு படங்களை இயக்கிய சாம் ஆண்டன் அதர்வாவை வைத்து இயக்கியுள்ள படம் 100. அவசர எண் 100 குறித்த இந்த படம் முன்னதாக மார்ச் 3ம் தேதி வெளியாகும் என அறிவிக்கப்பட்டு, பின்னர், மார்ச் 9ம் தேதிக்கு மாற்றப்பட்டது. ஆனால், இன்று இந்த படம் ரிலீசாகவில்லை.
இதுகுறித்து தனது ட்விட்டர் பக்கத்தில் மன்னிப்பு கேட்டுள்ள இயக்குநர் சாம் ஆண்டன், தனது தரப்பு பணிகள் முடிந்து விட்டது. படம் நாளையும் ரிலீசாகுமா என்பது தெரியவில்லை, கூர்கா பட வேலைகளில் கவனிக்க செல்கிறேன் என சோகத்துடன் பதிவிட்டுள்ளார்.
தியேட்டர் ரிலீசுக்கான கட்டணத்தை தயாரிப்பு தரப்பு கட்டாததே படத்தின் ரிலீஸ் தேதி தாமதம் ஆவதற்கு காரணம் என சொல்லப்படுகிறது. நாளை விஷாலின் அயோக்யா மற்றும் ஜீவாவின் கீ படங்கள் ரிலீஸ் ஆவதால், நாளையும் 100 படம் வெளியாகுமா என்பது தெரியவில்லை.
