சினிமா செய்திகள்
’தளபதி 66’ படத்தை ராஷ்மிகா தான் வேண்டாம் என்று சொன்னாரா? ஆச்சரிய தகவல்!
திரை உலகில் இருக்கும் ஒவ்வொரு நடிகையும் விஜய்யுடன் ஒரே ஒரு படத்திலாவது நடிக்க வேண்டும் என்ற கொள்கையுடன் இருக்கும் நிலையில் விஜய்யுடன் நடிக்கும் வாய்ப்பு கிடைத்தும் அதை வேண்டாம் என்று உதறி தள்ளி விட்டதாக ராஷ்மிகா மீது ஒரு குற்றச்சாட்டு எழுந்து உள்ளது பெரும் பரபரப்பை ஏற்படுத்தி உள்ளது.
தளபதி விஜய் நடிக்க இருக்கும் தளபதி 66 திரைப்படத்தின் நாயகி ராஷ்மிகா மந்தனா தான் என கிட்டத்தட்ட உறுதி செய்யப்பட்டு இருந்த நிலையில் திடீரென இந்த படத்தில்தான் நடிக்க விரும்பவில்லை என ராஷ்மிகா வெளியேறி விட்டதாக கூறப்படுகிறது .
இதற்கு முக்கிய காரணம் பாலிவுட் திரையுலகில் ரன்பீர் கபூர் நடிக்கும் அனிமல் என்ற திரைப்படத்தில் நடிக்க வாய்ப்பு கிடைத்ததால் விஜய் படத்திலிருந்து விலகிவிட்டதாக கூறப்படுகிறது.
முதலில் அனிமல் படத்தில் நடிக்க ப்ரீணிதா சோப்ரா ஒப்பந்தமாகி இருந்த நிலையில் அவர் விலகியதை அடுத்து ராஷ்மிகா மந்தனாவை படக்குழுவினர் அணுகியதாகவும் இதனை அடுத்து அவர் தளபதி 66 திரைப்படத்திலிருந்து அனிமல் படத்தில் இணைந்துவிட்டதாக கூறப்படுகிறது .
அதுமட்டுமின்றி இன்னொரு பிரபல நடிகையுடன் பாலிவுட்டில் நடிக்க ராஷ்மிகாவுக்கு வாய்ப்பு கிடைத்துள்ளதாக தெரிகிறது.