விஜய் படத்தின் பூஜையை மிஸ் செய்த பூஜா: டுவிட்டரில் தகவல்

’தளபதி 65’ திரைப்படத்தின் நாயகியான பூஜா ஹெக்டே அந்த படத்தின் பூஜையை மிஸ் செய்ததை வருத்தத்துடன் தனது டுவிட்டரில் தெரிவித்துள்ளார்.

’தளபதி 65’ திரைப்படத்தில் விஜய்க்கு ஜோடியாக பூஜா ஹெக்டே நடிக்க இருப்பதாக சமீபத்தில் அறிவிக்கப்பட்டதை அடுத்து அவருக்கு வாழ்த்துக்கள் குவிந்து வந்தது என்பது தெரிந்ததே. தெலுங்கின் முன்னணி நடிகையாக இருந்து வரும் பூஜா ஹெக்டே ஒரு சில தமிழ் படங்களில் நடித்திருந்தாலும் ’தளபதி 65’ படத்திற்கு பின்னர் மிகப் பெரிய ரவுண்டு வருவார் என்று எதிர்பார்க்கப்படுகிறது.

இந்த நிலையில் இன்று சென்னையில் ’தளபதி 65’ படத்தின் பூஜை நடந்ததாக செய்திகள் வெளிவந்து கொண்டிருக்கின்றன. இந்த பூஜையில் தன்னால் கலந்து கொள்ள முடியவில்லை என்றும் வேறொரு படப்பிடிப்பில் தான் இருந்ததாகவும் அதனால் வருந்துவதாகவும் கூறிய பூஜா ஹெக்டே, விரைவில் படக்குழுவினருடன் இணைந்து படப்பிடிப்பில் கலந்து கொள்ள ஆர்வத்துடன் காத்திருப்பதாக தெரிவித்துள்ளார்.

Missing out on the muharat puja today of #Thalapathy65 since I’m shooting elsewhere. But my heart and spirit is with the team. Good luck ❤️ can’t wait to join you’ll soon ????????????????????????

— Pooja Hegde (@hegdepooja) March 31, 2021

பூஜாவின் இந்த ட்விட்டை அடுத்து இன்று ’தளபதி 65’ பட பூஜை நடந்து உள்ளது உறுதி செய்யப்பட்டுள்ளது என்பது குறிப்பிடத்தக்கது. ஏற்கனவே தளபதி விஜய் ரசிகர்கள் பலர் டுவிட்டரில் இந்த படத்தின் பூஜை இன்று நடந்ததை தெரிவித்து உள்ளனர் என்பது குறிப்பிடத்தக்கது.