சினிமா செய்திகள்
பார்ட்னர் படத்தில் ஹன்சிகாவுக்கு யார் பார்ட்னர்?
மஹா படத்தை தொடர்ந்து ஹன்சிகா நடிக்கும் படம் பார்ட்னர். ஆனால், இந்த படத்தில் ஹன்சிகாவுக்கு யார் ஜோடி என்பது தெரியவில்லை. ஒருவேளை ஜோடியே இல்லையா என்றும் தெரியவில்லை.
ஈரம், அரவாண் படங்களின் நாயகன் ஆதி இந்த படத்தில் நடிக்கிறார். ஆனால், அவர் ஹன்சிகாவுக்கு ஜோடி இல்லை. ஆதிக்கு இந்த படத்தில் பல்லக் லால்வானி ஜோடியாக நடிக்கிறார்.
இவர் ஜி.வி.பிரகாஷ் ஜோடியாக குப்பத்து ராஜா படத்தின் மூலம் தமிழில் அறிமுகமாகிறார்.
முக்கிய கதாபாத்திரங்களில் பாண்டியராஜன், யோகிபாபு, ரோபோ சங்கர், விடிவி கணேஷ், ஜான் விஜய், ரவி மரியா, ‘டைகர்’ தங்கதுரை உள்ளிட்ட பலரும் நடிக்கின்றனர்.
டோரா படத்தில் இணை இயக்குநராக பணியாற்றிய மனோஜ் தாமோதரன் இந்த படத்தை இயக்குகிறார். இவர் இயக்குநர் சற்குணத்திடம் உதவி இயக்குநராக பணிபுரிந்தவர். படத்தைப் பற்றி இயக்குநர் மனோஜ் தாமோதரன் கூறியதாவது, “முழு நீள காமெடி படமாக இது உருவாகிறது. அதே சமயம் படத்தில் சயின்ஸ் பிக்ஷன் கலந்த ஒரு பேண்டசி விசயமும் இருக்கிறது. அது ரசிகர்களை வெகுவாக கவரும். படத்தில் மிக முக்கிய அம்சமாக ஹன்சிகாவின் கதாபாத்திரம் இருக்கும். நடிகர் ஆதியின் சினிமா வாழ்க்கையில் முக்கியமான படமாக இது இருக்கும். இந்த பார்ட்னர் நிச்சயம் பக்கா எனர்ஜிடிக் மற்றும் எண்டெர்டெயின்மெண்ட் படமாக இருக்கும்” என்றார்.
சந்தோஷ் தயாநிதி இசையமைக்கும் இந்த படத்திற்கு சபீர் அஹமது ஒளிப்பதிவு செய்கிறார். ஆர்.எஃப்.சி. கிரியேஷன்ஸ் சார்பில் எஸ்.பி.கோலி தயாரிக்கும் இந்த படத்தின் படப்பிடிப்பு பூஜையுடன் இன்று துவங்கியது.
