வணிகம்
தீபாவளி பரிசாக ஊழியர்களுக்கு 600 கார்கள் வழங்கிய சவ்ஜி தோலாக்கியா பற்றித் தெரியுமா?
சூரத்: இன்றைய வர்த்தகச் சூழலில் பல நிறுவனர்கள் தங்களது ஊழியர்களுக்கான சம்பள உயர்வினை அளிக்கவே பல்வேறு கெடுபிடிகள் செய்யும் நிலையில் ஹரி கிருஷ்ணா எக்ஸ்போர்ட்ஸ் நிறுவனர் மற்றும் வைர வியாபாரியான 56 வயதான சவ்ஜி தோலாக்கியா தங்களது ஊழியர்களுக்கு 6000 கோடி செலவில் தீபாவளி பரிசு வழங்கியுள்ளார்.
குஜராத்தின் ஆமெரெல்லி குடும்பத்தினைச் சேர்ந்த தோலாக்கியா 4-ம் வகுப்பு படிக்கும் போது குடும்பச் சூழலால் தொடர்ந்து படிக்க முடியாமல் 12 வையதிலியே வேலைக்குச் சென்றுவிட்டார்.
1977-ம் ஆண்டு 12.5 ரூபாய் சம்பளத்திற்கு வேலைக்குச் சென்ற இவர் இன்று தங்களது ஊழியர்களின் தீபாவளி பரிசுக்காக 6,000 கோடி ரூபாயினைச் செலவு செய்து வருகிறார் என்றால் இவரது வளர்ச்சி நம்மை மிரட்சி அடைய வைக்கிறது அல்லவா?
ஒவ்வொரு ஆண்டும் ஊழியர்களுக்காகத் தீபாவளியின் போது கோடி கணக்கில் செலவு செய்யும் தோலாக்கியா இந்த முறை 4.4 லட்சம் ரூபாய் மதிப்பிலான ரெனால்ட் கிவிட் மற்றும் 5.38 லட்சம் ரூபாய் மதிப்பிலான மாருதி சுசூகி செல்லேரியோ கார்களைப் பரிசாக வழங்கியுள்ளார்.
இவரது நிறுவனத்தில் மொத்தமாக 5,500 ஊழியர்கள் பணிபுரியும் நிலையில் அதில் 4,000 நபர்கள் இது போன்ற விலை உயர்ந்த பரிசுகளைத் தீபாவளி பண்டிகையின் போது பெற்று இருப்பது குறிப்பிடத்தக்கது.
அதிலும் சில ஊழியர்களுக்கு 25 வருடங்கள் இவரது நிறுவனத்தில் பணிபுரிந்து வந்த 3 ஊழியர்களுக்கு 3 கோடி ரூபாய் செலவு செய்து மெர்சண்டிஸ் ஜிஎல்எஸ் எஸ்யூவி காரை பரிசாக வழங்கியுள்ளது. மேலும் இந்தக் கார் பரிசு வேண்டாம் என்பவர்களுக்கு அதற்கு இணையான பணத்தினை வங்கியில் பிக்சட் டெபாசிட்டாகவும் தோலாக்கியா அளித்து இருப்பது அனைவரையும் ஆச்சரியம் அடைய வைத்துள்ளது.