சினிமா செய்திகள்
கமல்ஹாசனின் ‘இந்தியன் 2’: நெடுமுடிவேணுவுக்கு பதில் இந்த பிரபல நடிகரா?
கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படத்தின் படப்பிடிப்பு கடந்த 2 ஆண்டுகளுக்கும் மேலாக நிறுத்தப்பட்டிருக்கும் நிலையில் விரைவில் இந்த படத்தின் படப்பிடிப்பு தொடங்கும் என்று எதிர்பார்க்கப்படுகிறது. தற்போது இந்த படத்தின் பிரச்சனை நீதிமன்றத்தில் இருப்பதை அடுத்து விரைவில் நீதிமன்றம் தலையீடு காரணமாக இந்த படத்தின் பிரச்சினை முடிவுக்கு வரும் என்றும் அதனை அடுத்து இந்த படத்தின் படப்பிடிப்பு தொடங்க வாய்ப்பு இருப்பதாகவும் கூறப்படுகிறது.
இந்த நிலையில் இந்த படத்தில் நடித்து கொண்டிருந்த ஒரு சில நடிகர்கள் திடீரென காலமாகிவிட்டதாலும், வேறு சிலர் ஒருசில காரணங்களாள் நடிக்க முடியாத நிலையில் இருப்பதால் ஒருசில நடிகர்களை மாற்ற வேண்டிய சூழ்நிலை ஏற்பட்டுள்ளது.
அதேபோல் நடிகை காஜல் அகர்வால் தற்போது கர்ப்பமாக இருப்பதால் அவர் ’இந்தியன் 2’ படத்தில் மீண்டும் நடிக்க வாய்ப்பு இல்லை என்றும் எனவே அவருக்கு பதில் தமன்னா அல்லது த்ரிஷா நடிக்க வாய்ப்பு இருப்பதாக கூறப்பட்டது.
இந்த நிலையில் இந்த படத்தின் இன்னொரு முக்கிய கேரக்டரில் நடித்த நெடுமுடி வேணு திடீரென காலமாகி விட்டதை அடுத்து அவருக்கு பதில் நடிகர் கார்த்திக் நடிக்க இருப்பதாக கூறப்படுகிறது.
இந்த 3 கேரக்டர்களின் காட்சிகள் அதிக அளவில் படமாக்கப்பட்டுவிட்டதால் மீண்டும் முதலில் இருந்து அவர்களுடைய காட்சிகளை படமாக்க வேண்டிய நிலை இருப்பதால் கிட்டத்தட்ட மீண்டும் முதலில் இருந்து இந்த படத்தை உருவாக்க வேண்டிய நிலை படக்குழுவுக்கு ஏற்பட்டுள்ளது என்று கூறப்படுகிறது.