தமிழ்நாடு
ஒயிட்போர்டு பேருந்துகள் கலர் மாறுகிறதா? அமைச்சர் கண்ணப்பன்
சென்னை உள்பட முக்கிய நகரங்களில் அரசு பேருந்துகள் ஒயிட்போர்டு, க்ரீன் போர்டு மற்றும் டீலக்ஸ் ஆகிய மூன்று வகைகளில் இயங்கி வருகிறது என்பது குறிப்பிடத்தக்கது. ஒயிட்போர்டு பேருந்துகளில் கட்டணம் குறைவு என்பதும், க்ரீன் போர்டில் சுமாரான கட்டணம் என்பதும், டீலக்ஸில் இரண்டு மடங்கு கட்டணம் என்பதும் குறிப்பிடத்தக்கது.
இந்த நிலையில் தற்போது ஒயிட்போர்டு பேருந்துகளில் பெண்கள், திருநங்கைகள், மாற்றுத்திறனாளிகள் ஆகியவர்களுக்கு இலவசம் என அறிவிக்கப்பட்டுள்ளது. ஆனால் இந்த வகை பேருந்துகளை வித்தியாசப்படுத்துவது பொதுமக்கள் மத்தியில் குழப்பம் ஏற்பட்டு உள்ளதாக தெரிகிறது. இதனால் பல சமயங்களில் நடத்துனர் மற்றும் பயணிகளுக்கு இடையே வாக்குவாதம் நடைபெற்று வருவதாகவும் கூறப்படுகிறது. பேருந்துகள் அனைத்துமே ஒரே கலரில் இருப்பதும் போர்டுகள் மட்டுமே கலர் மாற்றப்பட்டு இருப்பதும் தான் இந்த குழப்பத்திற்கு காரணம் என்று கூறப்படுகிறது
இந்த நிலையில் ஒயிட்போர்டு பேருந்துகளை மக்கள் எளிதில் அடையாளம் காண பிரத்தியேக கலரை மாற்ற பரிசீலனை நடந்து கொண்டிருப்பதாக போக்குவரத்து துறை அமைச்சர் ராஜகண்ணப்பன் அவர்கள் செய்தியாளர்களிடம் தெரிவித்துள்ளார். இதுகுறித்த அறிவிப்பு விரைவில் வெளிவந்தால் பயணிகள் மத்தியில் இருக்கும் குழப்பம் தீரும் என்பது குறிப்பிடத்தக்கது