உங்கள் ராசிக்கான இந்த வார பலன்கள் (ஜூலை 14 முதல் 20 வரை)

மேஷம்:

எந்த பிரச்சனைக்கும் சரியான தீர்வு கொடுக்கும் மேஷ ராசி அன்பர்களே, இந்த வாரம் அவ்வப் போது உடல் உபாதைகள் ஏற்படக்கூடும். சிலருக்கு பாராட்டுகள் கிடைக்கலாம்.

குடும்பத்தில் தேவையில்லாத விரயங்கள் உண்டாகிக்கொண்டிருக்கும். அதை சுபச் செலவுகளாக மாற்றிக் கொள்ளலாம். வீடு, மனை, வாகனம் போன்றவற்றில் பணத்தை செலவிடுவது நல்லது. மனைவி மக்களிடையே அவ்வப்போது பிரச்சினைகள் உண்டாகும்.

தொழில் – வியாபாரம் மந்தமாக காணப்பட்டாலும் அதிக நஷ்டம் இல்லாமல் இருக்கும். வாடிக்கையாளர்களின் தேவைகளை பூர்த்தி செய்ய பிரயத்தனப்பட வேண்டியிருக்கும். அதிக முதலீடுகளை செய்யாமல் இருப்பது அவசியம்.

உத்தியோகத்தைப் பொறுத்தவரை உங்களுக்கு அனைவரும் ஒத்துழைப்பு தருவார்கள். நீண்ட நாட்களாக நிலுவையில் இருந்த பதவி உயர்வு உங்களுக்கு இப்போது கிடைக்கும்.

பெண்களுக்கு அலுவலகம் செல்பவர்கள் ஆரோக்கியத்தில் கவனமாக இருக்க வேண்டும். நேரத்திற்கு உணவருந்ததால் அல்சர் போன்ற பிரச்சினைகள் ஏற்படும். தொழில் ரீதியான முடிவுகள் எடுக்கும் போது கவனம் தேவை.

மாணவர்களுக்கு நண்பர்களுடன் தேவையில்லாத வாக்குவாதத்தை தவிர்க்கவும். தேவையில்லாத விசயங்களில் தலையிட வேண்டாம்.

பரிகாரம்: தினமும் கந்தர் அனுபூதி சொல்லி முருகன் வழிபாடு செய்யுங்கள்.

அதிர்ஷ்ட கிழமைகள்: ஞாயிறு – புதன்

******************************************************************************

ரிஷபம்:

குடும்ப பெருமையை நிலைநாட்ட நினைக்கும் ரிஷப ராசி அன்பர்களே, இந்த வாரம் வீட்டில் நிம்மதியான நிலை காணப்படும். தொழில் செய்யும் இடம் மற்றும் வியாபார தலங்களில் உற்சாகமான சூழ்நிலை இருக்கும். எனினும் நிதானத்தைக் கடைபிடிப்பது அவசியம்.

குடும்பத்தில் கணவன் – மனைவி இடையே சிறு சிறு கருத்து வேறுபாடுகள் ஏற்பட்டாலும், நீங்கள் விட்டுக்கொடுத்துச் செல்வதன் மூலம் அதை சமாளிக்கலாம். நீங்கள் பேசுவதைத் தவறாக புரிந்து கொண்டு உங்களிடம் வாக்கு வாதத்திற்கு குடும்பத்தினர் வரலாம். எனவே வார்த்தைகளில் கவனம் செலுத்துவது நல்லது.

தொழிலில் வருமானம் நல்லபடியாக இருந்தும் வீண் செலவுகள் ஏற்படுவதால் மனம் கவலையில் இருக்கும். குடும்ப ரீதியாகவோ, தொழில் ரீதியாகவோ முக்கிய முடிவுகள் எடுக்க சற்று கஷ்டப்பட வேண்டி இருக்கும்.

உத்தியோகஸ்தர்களுக்கு நன்மை அளிக்கக் கூடிய வாரமாக அமையும். சக பணியாளார்கள் உங்களுக்கு தொல்லை தருவதாக அமையும். நீங்கள் பொறுமையை கடைப்பிடித்து வெற்றி காண்பீர்கள்.

பெண்கள் சிறப்பாக செயல்பட்டு குடும்பத்தில் நற்பெயர் சம்பாதிப்பீர்கள்.கூட்டுக் குடும்பத்தில் இருப்பவர்கள் விட்டுக் கொடுத்து செல்வது நல்லது.

மாணவர்கள் இன்பச்சுற்றுலா சென்று வருவீர்கள். மனம் விரும்பும் மகிழ்ச்சியான நிகழ்வுகளில் கலந்து கொள்வீர்கள்.

பரிகாரம்: நவகிரகங்களிலுள்ள சந்திர பகவானுக்கு அர்ச்சனைசெய்து வழிபடவும்.

அதிர்ஷ்ட கிழமைகள்: செவ்வாய் – சனி

******************************************************************************

மிதுனம்

யாருக்காகவும் எதையும் விட்டுக்கொடுக்கும் மிதுன ராசி அன்பர்களே, இந்த வாரம் முக்கிய முடிவுகளை சற்று ஒத்திப் போடுவது நல்லது. நீங்கள் எதிர்பார்த்துக் கொண்டிருந்த நல்ல செய்திகள் வரவில்லை என்ற கவலை வேண்டாம். கூடிய விரைவில் உங்கள் காதுகளை அது எட்டும்.

குடும்பத்தை பொறுத்தவரை சுப நிகழ்வுகளில் கலந்து கொள்வீர்கள். குடும்பத்தார் அனைவரும் ஒன்று சேர்ந்து குலதெய்வ பிரார்த்தனையை முடித்து வைப்பர். திருமண வயதில் இருப்பவர்களுக்கு திருமண ஏற்பாடுகள் கூடிய விரைவில் நிகழும்.

தொழிலில் நல்ல முன்னேற்றங்களும் வருமானமும் அதிகரித்து காணப்படும். சொன்ன சொல்லை காப்பாற்றுவீர்கள். நல்ல வியாபாரம் நடக்கும். தேங்கிய பொருட்கள் எல்லாம் விற்பனையாகிவிடும்.

உத்தியோகத்தில் முன்னேற்றமும், ஊக்கமும் சற்று குறைந்து காணப்படும். வங்கிக்கடன் சிலருக்கு கிடைக்கப் பெறுவீர்கள். உடன் பணிபுரிபவர்கள் உற்ற துணையாக இருப்பார்கள்.

பெண்களின் நீண்ட நாளைய கனவு நனவாகும். கணவரின் பாராட்டைப் பெறுவீர்கள். புதிய பொருட்களை வாங்கி மகிழ்வீர்கள்.

மாணவச் செல்வங்கள் படிப்பில் அதிக விருப்பம் கொண்டிருப்பீர்கள். ஆசிரியர்கள் உங்கள் மீது அதிகம் பற்று வைத்திருப்பர்.

பரிகாரம்: பெருமாள் கோவிலுக்கு சென்று அவில் நிவேதனம் செய்யுங்கள்.

அதிர்ஷ்ட கிழமைகள்: வியாழன் – வெள்ளி

******************************************************************************

கடகம்

ஒரு காரியத்தை திட்டமிட்டு செயல்படுத்த நினைக்கும் கடக ராசி அன்பர்களே, இந்த வாரம் மாணவர்களுக்கு அதிக மதிப்பெண் கிடைக்கும். உத்தியோகத்தில் இருப்பவர்களுக்கு வெகு விரைவில் சிறந்த இடமாற்றம் கிடைக்கும்

குடும்பத்தில் சிலசில வாக்குவாதங்கள் ஏற்பட வாய்ப்புண்டு. ஆனாலும் அதிக அளவில் அது பாதிப்பை ஏற்படுத்தாது என நம்பலாம். முக்கிய முடிவுகளை சற்று தள்ளிப்போடுவது நல்லது. இளைய சகோதரர்களால் உங்களுக்கு சில நன்மைகள் உண்டாகலாம். பிறர் செய்யும் அனைத்து காரியங்களும் உங்களுக்கு நன்மையாகவே நடக்கும்.

தொழிலைப் பொறுத்தவரை உங்களுக்கு முக்கியமான நேரம். புதிய தொழில் துவங்குவது இருக்கும் தொழிலை விரிவுபடுத்துவது போன்ற அனைத்துமே செய்யலாம்.

உத்தியோகத்தில் நல்ல முன்னேற்றம் உண்டாகும். சில புதிய பொறுப்புகள் உங்களுக்கு வழங்குவார்கள். அதிக திறமையுடன் அதை செய்து முடிப்பீர்கள். ஆதலால் நல்ல பேரும், புகழும் கிடைக்கப் பெறுவீர்கள்.

பெண்களுக்கு உடல் நிலையில் முன்னேற்றம் இருக்கும். உங்களுக்குப் பிடித்தவர்களை சந்திப்பீர்கள். அது உங்களுக்கு மனதிற்கு மகிழ்ச்சி அளிக்கும்.

மாணவர்களுக்கு உண்டான பொறுப்புகள் அதிகரிக்கும். நேர்மையாக நடந்து கொள்வதன் மூலம் ஆசிரியரிடம் பாராட்டைப் பெறலாம்.

பரிகாரம்: அம்பாளை மல்லிகை மலர் கொண்டு வழிபட்டு வாருங்கள்.

அதிர்ஷ்ட கிழமைகள்: செவ்வாய் – வியாழன்

******************************************************************************

சிம்மம்

அயராது உழைக்க வேண்டும் என்ற எண்ணம் கொண்ட சிம்ம ராசி அன்பர்களே, இந்த வாரம் மக்கள் கூட்டம் அதிகம் உள்ள இடங்களில் உங்கள் பொருட்களை கவனமாக பாதுகாத்துக் கொள்ளவும்

குடும்பத்தில் பணவரவிற்கு குறைவிருக்காது. அதிக வருமானம் கிடைக்கும். உடல் நிலையில் அவ்வப்போது தொந்தரவுகள் வருவதை தவிர உங்களுக்கு நன்மையே நடக்கும். வேலைப் பளுவின் காரணமாக நேரத்திற்கு உணவருந்த முடியாமல் போகலாம். உடல்நிலையை அவ்வப்போது கவனித்துக் கொள்ளுங்கள்.

தொழிலில் உன்னத நிலையை அடைவீர்கள். நிறைய உழைத்தாலும் அதற்கேற்ற பலனை நீங்கள் சற்று குறைவாகத்தான் பெற முடியும்.

உத்தியோகத்தில் உள்ளவர்கள் பதவிஉயர்வு பெற்று அதிக ஆதாயங்களைப் பெறுவீர்கள். முக்கிய நபர்களின் அறிமுகம் கிடைக்கப் பெறுவீர்கள். அது உங்கள் அடுத்தகட்ட நடவடிக்கைக்கு வெற்றியாய் அமையும்.

பெண்களுக்கு நீண்ட நாளைய கனவுகள் நிறைவேறும். தாய்வீட்டிற்குச் சென்றுவருவீர்கள். மனதில் நிம்மதி இருக்கும்.

மாணவர்களுக்கு உதவித் தொகைகள் கிடைக்கும். சிலர் போட்டிகளில் வெற்றி பெற்று தொகைப்பரிசை வெல்வீர்கள்.

பரிகாரம்: சூரியநமஸ்காரம் செய்து தியானம் செய்யுங்கள். சிவபெருமானுக்கு வில்வ மாலை சாற்றுங்கள்

அதிர்ஷ்ட கிழமைகள்: வியாழன் – சனி

******************************************************************************

கன்னி

வேலையை தாமாகவே செயல்படுத்த நினைக்கும் கன்னி ராசி அன்பர்களே, இந்த வாரம் உடன் பணிபுரிவோர் ஆதரவாக இருப்பார்கள். கோபுர தரிசனம் உங்களுக்கு கை கொடுக்கும். வேலை பார்க்கும் இடத்தில் பிரச்சனைகள் எழலாம். கவனமுடன் இருப்பது மிக முக்கியம்

குடும்பத்தில் சந்தோஷம் குடிகொண்டிருக்கும். அனைத்து வசதி வாய்ப்புகளும் தாமாகவே வந்து சேரும். அரசு வேலைகளில் இருந்த தொய்வு நிலை மாறும். உங்கள் பேச்சிற்கு அனைவரும் கட்டுப்பட்டு நடப்பார்கள்.

தொழிலில் நல்ல அபிவிருத்தி உண்டாகும். புதிய தொழிலில் ஆர்வம் அதிகரிக்கும். சக தொழிலாளர்கள் ஒத்துழைப்பு கொடுப்பார்கள்.

உத்தியோகத்தில் இருக்கும் நபர்கள் வேலையை தொடந்து நல்ல முறையாக பணியாற்றி வருவீர்கள். மற்றவர்களின் பொறாமைக்கு ஆளாக நேரிடும். கேட்ட உதவிகள் அலுவலகத்தில் கிடைத்தே தீரும். சிக்கன நடவடிக்கைகள் மேற்கொள்வீர்கள்.

பெண்கள் குடும்பத்தில் நிர்வாகத்திறமையுடன் செயல்படுவீர்கள். அக்கம் பக்கத்தாரிடம் கவனமாக பழகவும்.

மாணவர்கள் உணர்ச்சிவசப்பட்டு யாரிடமும் எந்த ரகசியத்தையும் சொல்ல வேண்டாம். சக மாணவர்களுடன் பேசும் போது கவனம் தேவை.

பரிகாரம்: பெருமாள் கோவிலில் உள்ள சக்கரத்தாழ்வாரை பதினொருமுறை சுற்றி வலம் வரவும்.

அதிர்ஷ்ட கிழமைகள்: செவ்வாய் – வெள்ளி

******************************************************************************

துலாம்

பாரபட்சம் பார்க்காமல் அனைவருக்கும் கொடுத்து உதவும் துலா ராசி அன்பர்களே, இந்த வாரம் அலுவலகத்தில் தங்களுக்கு எதிராக செயல்பட்டு வந்தவர்களின் ஆதிக்கம் குறையும். ஆதலால் நிம்மதி பெருமூச்சு விடுவீர்கள். மனம் நிம்மதி பெற தியானம் செய்யுங்கள்

குடும்பத்தில் சுமூகமான சூழ்நிலை நிலவும். வீடு வாங்குவது கட்டுவது அனைத்தும் பிரச்சினையின்றி நடந்தேறும். உறவினர்கள் இல்லத்திற்கு வந்து செல்வார்கள். தூரத்திலிருந்து வரும் செய்திகள் அனைத்தும் உங்கள் மனதிற்கு மகிழ்ச்சியைத் தரும். உடல்நிலையில் சற்று அக்கறை எடுத்துக் கொள்ளுங்கள்.

தொழிலில் நல்ல லாபமும் முன்னேற்றமும் இருக்கும். புதிதாக தொழில் துவங்க வேண்டும் என்ற எண்ணம் மேலோங்கும்.

உத்தியோகத்தில் நல்ல முன்னேற்றமும் அதனால் கிடைக்க வேண்டிய ஆதாயங்களும் கிடைக்கப் பெறுவீர்கள். பதவி உயர்வு உண்டாகும். முன்னேற்றம் வாழ்வில் உண்டாகும்.

பெண்களுக்கு ஆடம்பர பொருட்கள் வந்து சேரும். கணவன் மனைவியிடையே அன்பு அதிகரிக்கும். பிறரால் தொல்லை வரும்.

மாணவர்களுக்கு கிடைக்க வேண்டிய உதவித் தொகை தடையின்றி கிட்டும்.

பரிகாரம்: ஸ்ரீ நரசிம்மர் காயத்ரீ சொல்லி பானகம் நிவேதனம் செய்யுங்கள்.

அதிர்ஷ்ட கிழமைகள்: திங்கள் – வியாழன்

******************************************************************************

விருச்சிகம்

சூழ்நிலைக்கு தகுந்தவாறு உபயோகப் படுத்திக்கொள்ள நினைக்கும் விருச்சிக ராசி அன்பர்களே, இந்த வாரம் நீங்கள் எடுக்கும் முடிவில் நிதானத்தைக் கடைபிடிப்பது நல்லது. நீங்கள் நடந்து கொள்ளும் விதம் சிலருக்கு புதிராக இருக்கும்.

குடும்பத்தில் முக்கிய நபர்களின் தலையீடு இல்லாமல் பார்த்துக் கொள்ளுங்கள். பொருளாதார விஷயத்தில் நல்ல முன்னேற்றம் ஏற்பட்டு மகிழ்ச்சி உண்டாகும். அன்பும், அரவணைப்பும் கிடைக்கப் பெறுவீர்கள். குடும்ப விழாக்களில் கலந்து கொண்டு நீங்களே இழுத்துப் போட்டு காரியங்களைச் செய்து முடிப்பீர்கள்.

தொழிலில் நல்ல லாபம் உண்டாகும். லாபத்தை பன்மடங்காக எதிர்பார்க்கலாம். சிலர் கடினமாக உழைத்து வெற்றி பெறுவீர்கள். முக்கிய நபர்களை இந்த வாரம் சந்திக்க வெற்றி உண்டாகும்.

உத்தியோகத்தில் மிக நம்பிக்கையான பணியாளார்களை அமர்த்த சற்று யோசிக்க வேண்டும். உடன் பணிபுரிபவர்களிடம் எப்போதும் அனுசரித்து செல்லுங்கள்.

பெண்கள் தங்களுக்கு தேவையான பொருட்களை வாங்கி மகிழ்வீர்கள். குடும்பத்தில் சந்தோஷம் கிட்டும்.

மாணவர்கள் கல்வியில் சிறந்து விளங்குவீர்கள். அனைவரின் பாராட்டும், நன்மதிப்பும் கிடைக்கும். முயற்சியில் வெற்றி கிட்டும்.

பரிகாரம்: முருகனை வழிபட்டு குமாரஸ்தவம் சொல்லி வாருங்கள்.

அதிர்ஷ்ட கிழமைகள்: ஞாயிறு – வெள்ளி

******************************************************************************

தனுசு

புன்னகையுடன் தனது செயல்களை வெளிபடுத்த நினைக்கும் தனுசு ராசி அன்பர்களே, இந்த வாரம் அலுவலகத்தில் நற்பெயர் எடுப்பீர்கள். வருமானம் திருப்திகரமாக இருக்கும்.

குடும்பம் பொறுத்தவரை பொறுப்புகள் அதிகரிக்கும். சிலர் நீண்ட நாட்களாக நோயினால் அவஸ்தைப் பட்டுக் கொண்டிருந்தீர்கள் அல்லவா. இப்போது அது சரியாகும். சில கலகங்கள் அவ்வப்போது தோன்றி மறையும், சிலருக்கு அது வழக்காக மாறும். எச்சரிக்கையாக இருங்கள்.

தொழிலில் அதிக நன்மைகள் ஏற்பட்டு எந்த தடையும் இல்லாமல் தொழில் அபிவிருத்தி இருக்கும். நல்ல லாபத்தையும் பார்க்கலாம்.

உத்யோகஸ்தர்களுக்கு புதிய வாகனம் வாங்கும் வாய்ப்பு உள்ளது. கைக்கு வர வேண்டிய பாக்கிகள் இப்போது வசூலாகும்.

பெண்கள் சிறிய அளவில் நன்மையையும், பொறுமையையும் பெறக்கூடிய கால கட்டம், வேண்டிய அளவில்கிடைக்காவிட்டாலும் ஒரு சிறிய சன்மானம் உங்களுக்கு கிடைக்கும்.

மாணவர்கள் மேற்படிப்புக்காக காத்திருப்பவர்களுக்கு நல்ல செய்தி வந்து சேரும். பெற்றோர் ஒத்துழைப்பு நல்குவார்கள்.

பரிகாரம்: சிவபுராணம் சொல்லி சிவனுக்கு வெண்பொங்கல் நிவேதனம் செய்யுங்கள்.

அதிர்ஷ்ட கிழமைகள்: செவ்வாய் – புதன்

******************************************************************************

மகரம்

மற்றவர்கள் மனம் கோணாமல் காரியங்களை செயல்படுத்தும் மகர ராசி அன்பர்களே, இந்த வாரம் பணம் கொடுப்பவர்கள் சில காரணங்கள் சொல்லி தள்ளிப் போடலாம். கவலை வேண்டாம்.

குடும்பத்தில் சிற்சில விவாதங்கள் வந்து போகலாம். பிள்ளைகளின் விசயத்தில் கவலை வேண்டாம். அதிக நன்மையை அளிக்கக் கூடிய நிகழ்ச்சிகள் நடக்கும். மனதிற்கு நிம்மதி கிடைக்கும்.

தொழிலில் உங்களுக்கு கிடைக்க வேண்டிய பாக்கியங்கள் அனைத்தும் கிடைக்கும். நீங்கள் அதிகமாக உழைக்க வேண்டியது வரும். தேவைப்படும் இடங்களில் இருந்து உதவிகள் கிடைக்கப் பெற்று மகிழுவீர்க்ள்.

உத்யோகஸ்தர்களுக்கு அதிக வேலைப்பளு இருக்கும். மேலதிகாரிகளின் வேலையயும் நீங்களே செய்ய வேண்டி இருக்கும். அதிக நேரம் வேலை செய்யும் நிலை உருவாகும்.

பெண்கள் அடுத்தவர்களிடம் பேசும் போது கவனமாக பேசுவது சிறந்தது. அலுவலகத்தில் எச்சரிக்கையாக இருங்கள்.

மாணவர்களுக்கு வருகின்ற தேர்வுகளில் நல்ல மதிப்பெண் பெற சிறப்பாக பயிலுவீர்கள். வெற்றி உண்டாகும்.

பரிகாரம்: சனிக்கிழமை தோறும் ஆஞ்சநேயருக்கு வெற்றிலை மாலை சாற்றி வழிபடுங்கள்.

அதிர்ஷ்ட கிழமைகள்: வியாழன் – வெள்ளி

******************************************************************************

கும்பம்

தகுந்த நேரத்தில் நளினமாக செயல்பட நினைக்கும் கும்ப ராசி அன்பர்களே, இந்த வாரம் கைக்கு வராது என்றிருந்த பணம் கூட கைக்கு வந்து சேரும். உடலில் இருந்து வந்த பிரச்சினைகள் அகலும்.

குடும்பத்தில் பிரச்சினைகள் ஏதும் இராது. நல்ல சுபிட்ஷமும் சௌபாக்கியமும் உண்டாகும். உடன் பிறந்தோர் உற்ற துணையாக இருப்பார்கள். கணவன் மனைவியரிடையே அன்பும், பாசமும் அதிகமாக காணப்படும். தேவையான பொருள்களை வாங்கி மகிழ்வீர்கள். வெகுதூரத்தில் இருந்து வரும் செய்திகள் மனதிற்கு மகிழ்ச்சியைத் தரும்.

தொழிலில் முக்கிய முடிவுகளை இப்போது செய்யலாம். சிலர் புதிய தொழிலில் ஈடுபட முயற்சிப்பீர்கள். சிலசில சிக்கல்கள் வந்து போகும்.

உத்தியோகஸ்தர்களுக்கு வேலைப்பளு அதிகமாக இருந்தாலும் முடிவில் நல்லதே நடக்கும். சிலருக்கு கேட்ட சலுகைகள் கிடைக்கப் பெறுவீர்கள்.

பெண்கள் நல்லவிதமாக குடும்பத்தை வழி நடத்துவார்கள். மாமியார் மருமகள் பிரச்சினையின்றி சுமூகமான சூழ்நிலை நிலவும்.

மாணவமணிகளுக்கு படிப்பில் ஆர்வம் அதிகரிக்கும். சில முயற்சிகள் கூட உங்கள் எதிர்காலத்திற்கு உதவும்.

பரிகாரம்: விநாயகர் அகவல் சொல்லி விநாயகப் பெருமானுக்கு அருகம்புல் சாற்றுங்கள்.

அதிர்ஷ்ட கிழமைகள்: திங்கள் – செவ்வாய்

******************************************************************************

மீனம்:

தவறான காரியங்களில் ஈடுபடக்கூடாது என்று நினைக்கும் மீன ராசி அன்பர்களே, இந்த வாரம் சிறு சிறு உடல் உபாதைகளால் அவதிப்பட நேரலாம். ஆதலால் மனசோர்வும் உண்டாகலாம். செலவுகள் ஏற்படும் நேரம்.

குடும்பத்தில் நிம்மதி இருக்கும். உற்றார், உறவினர்களுடன் விருந்து கேளிக்கைகளுக்குச் சென்று வருவீர்கள். நிதி நிலையில் முன்னேற்றம் ஏற்படும். திருமண வயதிலுள்ள அன்பர்களுக்கு நல்ல வரன் அமையக்கூடும்.

தொழிலைப் பொறுத்தவரை அவ்வப்போது பிரச்சினைகள் வந்தாலும் அது உங்களை பெரிய அளவில் பாதிப்பை உண்டு பண்ணாது.

உத்தியோகத்தில் இருப்பவர்களுக்கு சில முக்கிய முடிவுகள் எடுப்பதில் தடுமாற்றம் ஏற்படலாம். தீவிர பேச்சுவார்த்தைக்கு பிறகு முடிவில் சுமூகம் எட்டும்.

பெண்கள் அவ்வளவாக வேலையைச் செய்ய முடியாது. உடல்நிலையில் சோர்வு அதிகமாக காணப்படும்.

மாணவர்களுக்கு கண்ணும் கருத்துமாக கல்வியில் நாட்டம் செலுத்துங்கள். சக மாண்வர்களிடம் பழகும் போது கவனமாக இருக்கவும்.

பரிகாரம்: சித்தர்களின் ஜீவ சமாதிக்கு சென்று வந்தால் தொழில் பிரச்சனைகள் தீரும்.

அதிர்ஷ்ட கிழமைகள்: திங்கள் – வெள்ளி

******************************************************************************

seithichurul

See Full Bio