சினிமா செய்திகள்
காப்பான் ஆடியோ வெளியீட்டில் சூர்யாவுடன் மேடையை பகிர்ந்து கொள்ள வேண்டுமா?
கே.வி. ஆனந்த் இயக்கத்தில் சூர்யா, ஆர்யா, மோகன் லால் நடித்துள்ள காப்பான் படம் அடுத்த மாதம் திரைக்கு வருகிறது. விரைவில் இந்த படத்தின் இசை வெளியீட்டு விழா பிரம்மாண்டமாக நடத்தப்பட உள்ளது.
அதில், கலந்து கொள்ள லைகா நிறுவனம் ஒரு புதிர் போட்டியை அறிவித்துள்ளது. அதற்கு விடையளிக்கும் ஆறு அதிர்ஷ்டசாலிகளுக்கு சூர்யாவுடன் காப்பான் ஆடியோ வெளியீட்டு விழா மேடையை பகிர்ந்து கொள்ளும் அரிய வாய்ப்பு காத்திருக்கிறது. அந்த கேள்விகள் என்னவென்றால்,
1. சூர்யாவின் முதல் பட ஒளிப்பதிவாளர் யார்?
2. காப்பான் படத்தையும் சேர்த்து சூர்யாவும், ஹாரிஷ் ஜெயராஜும் எத்தனை படத்தில் இசை கூட்டணி அமைத்துள்ளனர்?
3. சூர்யாவின் 25வது படத்தின் டைட்டில் என்ன?
லைகா தரப்பில் இருந்து இந்த அல்வா சாப்பிடும் கேள்விகள் கேட்கப்பட்ட உடனே சூர்யா ரசிகர்கள் ஆயிரத்திற்கும் மேற்பட்டவர்கள், முதல் பட கேமரமேன் கே.வி. ஆனந்த் என்றும், சூர்யா – ஹாரிஷ் கூட்டணி 9 படங்களில் பணிபுரிந்துள்ளது என்றும், சிங்கம் சூர்யாவின் 25வது படம் என்ற விடையை பதிவிட்டு வருகின்றனர்.
ஆனால், அந்த அதிர்ஷ்டசாலிகள் ஆறு பேர் யார் என்பது தான் தெரியவில்லை. விரைவில் லைகா தரப்பில் இருந்து அதுவும் அறிவிக்கப்பட்டு விடும்.
