சினிமா செய்திகள்
மறைந்த ஹரி வைரவன் குழந்தைகளின் படிப்பு செலவை ஏற்கிறேன்: பிரபல நடிகர் அறிவிப்பு
வெண்ணிலா கபடிக்குழு படத்தில் நடித்த காமெடி நடிகர் ஹரி வைரவன் கடந்த இரண்டு நாட்களுக்கு முன்னர் உடல்நலக்குறைவு காரணமாக காலமானார். இந்த நிலையில் அவருடைய குழந்தைகளின் படிப்புச் செலவை தான் ஏற்றுக்கொள்வதாக பிரபல நடிகர் ஒருவர் தெரிவித்துள்ளார்.
சுசீந்திரன் இயக்கத்தில் விஷ்ணு விஷால் நடித்த ‘வெண்ணிலா கபடி குழு’ என்ற திரைப்படம் மிகப் பெரிய வெற்றி பெற்றது என்பதும் இந்த படத்தில் நடித்த அனைவருமே தற்போது முன்னணி நட்சத்திரங்களாக உள்ளனர் என்பதும் குறிப்பிடத்தக்கது.
இந்த நிலையில் இந்த படத்தில் காமெடி கேரக்டரில் நடித்த ஹரி வைரவன் என்பவர் கடந்த சில ஆண்டுகளாக உடல்நலக்குறைவு காரணமாக சிகிச்சை பெற்று வந்த நிலையில் கடந்த டிசம்பர் 3ஆம் தேதி இரவு 12.30 மணிக்கு காலமானதாக அவரது குடும்பத்தினர் தெரிவித்தனர். இதனை அடுத்து வெண்ணிலா கபடிக்குழு படக்குழுவினர் அனைவரும் அவரது மறைவிற்கு இரங்கல் தெரிவித்தனர் என்பது குறிப்பிடத்தக்கது.
இந்த நிலையில் தனது கணவருக்காக தான் சேர்த்து வைத்த சொத்து அனைத்தையும் விற்று சிகிச்சைக்காக செலவு செய்து விட்டதால் திரையுலகினர் தனக்கு உதவி செய்ய வேண்டும் என நடிகர் ஹரி பைரவரின் மனைவி தெரிவித்திருந்த நிலையில் அவருடைய குழந்தைகளின் படிப்புச் செலவை முழுவதுமாக ஏற்பதாகவும் அவர்கள் என்ன படிப்பு பற்றி வேண்டுமானாலும் படிக்கட்டும் அதற்கு நான் உதவி செய்கிறேன் என்றும் நடிகர் விஷ்ணு விஷால் தெரிவித்துள்ளார். மேலும் ஏற்கனவே கடந்த ஆறு மாதங்களாக தன்னால் முடிந்த உதவிகளை வைரவன் குடும்பத்திற்கு செய்து கொண்டிருந்ததாகவும் விஷ்ணு விஷால் தெரிவித்துள்ளார்.
இதனை அடுத்து மேலும் சில நடிகர்கள் ஹரி வைரவன் குடும்பத்திற்கு உதவி செய்ய முன் வருவார்கள் என்று எதிர்பார்க்கப்படுகிறது.
