சினிமா செய்திகள்
தற்கொலை தடுப்பு விழிப்புணர்வுக்கு குரல் கொடுக்கும் விஷால்!
நடிகர் விஷால், சினிமா மற்றும் அரசியலை தாண்டி சமூக பணிகளிலும் ஆர்வம் செலுத்தி வருகிறார். நாராயணா குரூப் நடத்தும் ரீச் திஷா விழிப்புணர்வு முகாமுக்கான விழிப்புணர்வு விளம்பர வீடியோவில் நடிகர் விஷால் பேசியுள்ளார்.
இந்தியா முழுவதும் இந்த விழிப்புணர்வு வீடியோ பரவவேண்டும் என்ற நோக்கில் ஆங்கிலம், தமிழ், தெலுங்கு மற்றும் இந்தி மொழிகளில் விஷால் பேசியுள்ளார்.
”உங்களுக்கு முழங்காலில் அடிபட்டால் என்ன செய்வீர்கள்? மருத்துவரை அணுகுவீர்கள், அந்த காயத்திற்கு மருந்து போட்டு அதை குணமாக்க முயல்வீர்கள் அல்லவா? அதுபோன்றுதான் நம் மனதில் உண்டாகும் காயங்களையும் குணப்படுத்த வேண்டியது கட்டாயம். இந்தியாவில் ஒரு மணி நேரத்திற்கு ஒரு மாணவன் மன அழுத்தம் காரணமாக தற்கொலை செய்து கொள்வதாக புள்ளி விவரங்கள் தெரிவிக்கின்றன. இந்த மோசமான சூழ்நிலையை மாற்ற ரீச் திஷா உங்களுக்கு உதவ காத்திருக்கிறது.
மனதிற்கான வைத்தியத்தையும் செய்து கொள்ளுங்கள்.. மனதில் மகிழ்ச்சி மற்றும் அமைதி இருந்தால் எதனையும் சாதிக்கலாம்”
என அந்த வீடியோவில் விஷால் விழிப்புணர்வு பிரச்சாரம் செய்துள்ளார்.
திஷா ஹெல்ப் லைன் நம்பரான 18004191828 என்ற டோல்ஃப்ரீ எண்ணும் வீடியோவின் இறுதியில் வழங்கப்பட்டுள்ளது.