சினிமா செய்திகள்
விஷால் படத்தின் முக்கிய அறிவிப்பு: ரசிகர்கள் உற்சாகம்
தமிழ் திரையுலகின் முன்னணி நடிகர்களில் ஒருவரான விஷால் தற்போது ‘துப்பரிவாளன் 2’ மற்றும் ‘எனிமி’ ஆகிய திரைப்படங்களில் நடித்து வருகிறார். மிஷ்கின் இயக்கத்தில் உருவாகும் ‘துப்பறிவாளன் 2’ மற்றும் ஆர்யாவுடன் விஷால் நடித்து வரும் ‘எனிமி’ ஆகிய இரண்டு படங்களின் படப்பிடிப்புகளும் இறுதிக்கட்டத்தில் உள்ளதாகவும் விரைவில் இந்த படங்கள் திரைக்கு வரும் என்றும் கூறப்படுகிறது.
இந்த நிலையில் விஷாலுக்கு சொந்தமான விஷால் பிலிம் பேக்டரி நிறுவனம் ஒரு முக்கிய அறிவிப்பை நாளை வெளியிட உள்ளதாக தகவல்கள் வெளிவந்துள்ளன. நாளை வெளியாகும் தகவல் விஷாலின் அடுத்த படமா? அல்லது ஏற்கனவே அவர் நடித்துக்கொண்டிருக்கும் படங்களின் அப்டேட்ட? என்பதை பொறுத்திருந்து தான் பார்க்க வேண்டும்.
விஷால் பிலிம் பேக்டரி நிறுவனம் இதுவரை பல திரைப்படங்களை தயாரித்து உள்ளது என்பதும் தற்போது உருவாகிவரும் துப்பரிவாளன் 2’ படத்தையும் அந்நிறுவனம் தான் தயாரித்து வருகிறது என்பது குறிப்பிடத்தக்கது.
ஏற்கனவே விஷால் ஒரு முன்னணி இயக்குனரின் படத்தில் நடிக்க இருப்பதாகவும் அந்த படத்தை விஷால் பிலிம்ஸ் நிறுவனமே தயாரிக்க இருப்பதாகவும் செய்திகள் வெளிவந்தன. இந்த படத்தின் அறிவிப்பு தான் நாளை வெளிவரும் என்று எதிர்பார்க்கப்படுவதால் விஷால் ரசிகர்கள் உற்சாகத்தில் உள்ளனர்.
Exciting Announcement from #VFF on 2nd April 2021
Keep Guessing !! pic.twitter.com/IiEIa8o4pM
— Vishal (@VishalKOfficial) March 31, 2021