சினிமா செய்திகள்
’விக்ரம்’ படத்தின் படப்பிடிப்பு வீடியோவை வெளியிட்ட லோகேஷ் கனகராஜ்!
உலகநாயகன் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவாகி வந்த ’விக்ரம்’ படத்தின் படப்பிடிப்பு முற்றிலும் முடிந்து விட்டதாக இயக்குனர் லோகேஷ் கனகராஜ் தெரிவித்துள்ளார். இந்த படத்தின் கடைசி காட்சியில் பகத் பாசில் துப்பாக்கியால் சுடும் காட்சியை படமாக்கிய தாகவும் அந்த காட்சியுடன் இந்த படத்தின் படப்பிடிப்பு முடிவடைந்தது என்றும் லோகேஷ் கனகராஜ் தெரிவித்துள்ளார்.
மேலும் பகத்பாசில் துப்பாக்கியால் சுடும் வீடியோவையும் அவர் தனது டுவிட்டரில் வெளியிட்டுள்ள நிலையில் படப்பிடிப்பு முடிவடைந்ததை உறுதிசெய்யும் வகையில் படக்குழுவினர் அனைவரும் சந்தோஷத்தில் குரல் கொடுக்கும் காட்சியும் அந்த வீடியோவில் உள்ளது என்பது குறிப்பிடத்தக்கது.
ஏற்கனவே கடந்த சில நாட்களுக்கு முன்னர் கமல்ஹாசன் சம்பந்தப்பட்ட காட்சிகளின் படப்பிடிப்பு முடிவடைந்த நிலையில் தற்போது ஒட்டு மொத்த படப்பிடிப்பும் முடிந்து விட்டதாகவும் மொத்தம் 110 நாட்கள் இந்த படத்தின் படப்பிடிப்பு நடந்து உள்ளதாகவும் லோகேஷ் கனகராஜ் தெரிவித்துள்ளார்.
மேலும் இந்த படத்தின் படப்பிடிப்புக்காக படக்குழுவினர் அனைவருக்கும் தனது நன்றியை தெரிவித்துக் கொள்வதாகவும் அவர் தெரிவித்துள்ளார். கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனம் தயாரிக்கும் இந்த படத்திற்கு அனிருத் இசையமைத்து வருகிறார் என்பதும் இந்தப் படம் வரும் ஏப்ரல் 28ஆம் தேதி வெளியிட திட்டமிடப்பட்டு உள்ளது என்பதும் குறிப்பிடத்தக்கது.
After 110 days of shoot it’s a WRAP ????
Thanx to the entire cast and crew for the EXTRAORDINARY effort! ????????@ikamalhaasan @VijaySethuOffl #FahadhFaasil @anirudhofficial #VIKRAM pic.twitter.com/5xwiFTHaZH— Lokesh Kanagaraj (@Dir_Lokesh) March 1, 2022
