விக்ரமின் ‘சீயான் 60’ படப்பிடிப்பு முடிந்தது: ரிலீஸ் எப்போது?

விக்ரம் நடித்து வரும் 60வது திரைப்படமான சியான் 60 என்ற திரைப்படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்ற நிலையில் இந்த படத்தின் படப்பிடிப்பு முடிவடைந்து உள்ளதாக படக்குழுவினர் அதிகாரப்பூர்வமாக அறிவித்துள்ளனர்

சமீபத்தில் டார்ஜிலிங் மற்றும் நேபாளம் ஆகிய பகுதிகளில் இந்த படத்தின் படப்பிடிப்பு நடந்த நிலையில் நேற்றுடன் இந்த படத்தின் முடிவடைந்தது என அறிவிக்கப்பட்டுள்ளது/ இதனை அடுத்து படக்குழுவினர் அனைவரும் எடுத்துக்கொண்ட புகைப்படம் தற்போது சமூக வலைதளங்களில் வைரல் ஆகி வருகிறது என்பது குறிப்பிடத்தக்கது

விக்ரம் ஜோடியாக ஸ்ரீநிதி ஷெட்டி நடிக்கும் இந்த படத்தில் துருவ் விக்ர்ம், வாணிபோஜன், சிம்ரன், பாபி சிம்ஹா உள்பட பலர் நடிக்கின்றனர். கார்த்திக் சுப்புராஜ் இயக்கத்தில் உருவாகி வரும் இந்த படத்தின் படப்பிடிப்பு முடிவடைந்ததை அடுத்து தற்போது இந்த படத்தின் போஸ்ட் புரடொக்ஷன் பணிகள் தொடங்க உள்ளன. குறிப்பாக முதல்கட்டமாக நட்சத்திரங்களின் டப்பிங் பணிகள் தொடங்கும் என்று கூறப்படுகிறது. இந்த படத்தை இவ்வருட இறுதியில் அதாவது டிசம்பர் மாதம் ரிலீஸ் செய்ய படக்குழுவினர் திட்டமிட்டுள்ளனர் என்பது குறிப்பிடத்தக்கது.

இந்த நிலையில் விக்ரம் தற்போது ’கோப்ரா’ என்ற படத்தின் படப்பிடிப்பில் கொல்கத்தாவில் இருப்பதாகவும் இந்த படப்பிடிப்பு இன்னும் 15 நாட்கள் நடைபெறும் என்றும் கூறப்படுகிறது. இந்த படத்தை அஜய்ஞானமுத்து இயக்கி வருகிறார் என்பதும், ஏ.ஆர்.ரஹ்மான் இசையமைத்து வருகிறார் என்பதும் குறிப்பிடத்தக்கது.

இதனை அடுத்து விக்ரம் தனது அடுத்த படத்திற்கான படப்பிடிப்பை தொடங்குவார் என்றும், விக்ரம் நடிக்கும் அடுத்த படத்தை பா ரஞ்சித் இயக்குவார் என்றும் கூறப்படுகிறது. கவுதம் மேனன் இயக்கத்தில் உருவாகியிருக்கும் துருவ நட்சத்திரம் திரைப்படம் மற்றும் மணிரத்னம் இயக்கி வரும் பொன்னியின் செல்வன் ஆகிய படங்களிலும் விக்ரம் நடித்து வருகிறார் என்பது குறிப்பிடத்தக்கது.

seithichurul

See Full Bio