சினிமா செய்திகள்
விக்ரம்-துருவ் விக்ரம் படத்தின் படப்பிடிப்பு எப்போது? புதிய தகவல்
விக்ரம் மற்றும் அவருடைய மகன் துருவ் விக்ரம் ஆகிய இருவரும் இணைந்து நடிக்கும் திரைப்படம் குறித்த அறிவிப்பு சமீபத்தில் வெளியானது என்பது தெரிந்ததே. இந்த படத்தை பிரபல இயக்குனர் கார்த்திக் சுப்பராஜ் இயக்க உள்ளார் என்பதும் அனிருத் இசையமைக்க உள்ளார் என்பது குறிப்பிடத்தக்கது.
இந்த நிலையில் இந்த படத்தின் படப்பிடிப்பு கடந்த பிப்ரவரி மாதம் தொடங்க இருந்த நிலையில் விக்ரம் ’பொன்னியின் செல்வன்’ படப்பிடிப்பில் இருந்ததால் இந்த படத்தின் படப்பிடிப்பு திட்டமிட்டபடி தொடங்க முடியவில்லை.
இந்த நிலையில் இன்று முதல் இந்த படத்தின் படப்பிடிப்பு தொடங்க இருப்பதாக தகவல்கள் வெளிவந்துள்ளன. இன்று முதல் தொடர்ச்சியாக ஒரு மாதம் இந்த படத்தின் படப்பிடிப்பு நடைபெறும் என்றும் மூன்று மாதங்களில் இந்த படத்தின் மொத்த படப்பிடிப்பும் முடிந்து விடும் என்றும் கூறப்படுகிறது.
இந்த படத்தில் துருவ் விக்ரம் நாயகனாகவும், விக்ரம் வில்லனாகவும் நடிக்கவுள்ளார்கள் என்பதும் இது ஒரு வித்தியாசமான ஆக்ஷன் அதிரடி திரைப்படம் என்றும் கூறப்படுகிறது. செவன் ஸ்கிரீன் ஸ்டூடியோஸ் நிறுவனம் இந்த படத்தை பிரம்மாண்டமாக தயாரிக்க உள்ளது என்பதும் இந்த திரைப்படம் இவ்வருட இறுதியில் வெளியிட படக்குழுவினர் திட்டமிட்டுள்ளதாக தகவல்கள் வெளிவந்துள்ளன.