சினிமா செய்திகள்
விஜய்சேதுபதியின் ‘அனபெல்லா சேதுபதி: அதிகாரபூர்வ ரிலீஸ் தேதி அறிவிப்பு!
மக்கள் செல்வன் விஜய் சேதுபதி நடித்த நான்கைந்து படங்கள் ரிலீஸுக்கு தயாராக உள்ளன என்பதும் அந்த திரைப்படங்கள் வரிசையாக வெளியாக இருப்பதாக செய்திகள் வெளிவந்து கொண்டிருக்கின்றன என்பதும் தெரிந்ததே.
இந்த நிலையில் செப்டம்பர் 9ஆம் தேதி விஜய் சேதுபதி நடித்த ’லாபம்’ திரைப்படம் திரையரங்குகளில் வெளியாக உள்ளது. இது குறித்த அதிகாரப்பூர்வ அறிவிப்பு நேற்று வெளியானது என்பதை பார்த்தோம்.
இந்த நிலையில் இதற்கு அடுத்த ஒரே வாரத்தில் விஜய் சேதுபதி நடித்த ‘அனபெல்லா சேதுபதி’ என்ற திரைப்படம் வெளியாக இருப்பதாக தற்போது அதிகாரப்பூர்வமாக அறிவிக்கப்பட்டுள்ளது. ஆனால் இந்த படம் ஓடிடியில் வெளியாக உள்ளது என்பது குறிப்பிடத்தக்கது.
‘அனபெல்லா சேதுபதி படத்தில் நாயகியான நடிகை டாப்ஸி தனது டுவிட்டர் பக்கத்தில் செப்டம்பர் 17ஆம் தேதி இந்த படம் ஹாட்ஸ்டார் ஓடிடியில் வெளியாக இருப்பதாக அறிவித்துள்ளார். தமிழ், தெலுங்கு, மலையாளம், கன்னடம், இந்தி என 5 மொழிகளில் இந்த படம் வெளியாக இருப்பதாகவும் அவர் குறிப்பிட்டுள்ளார்.
இது ஒரு த்ரில் மற்றும் சஸ்பென்ஸ் கதையம்சம் கொண்ட படம் என்றும் கூறப்படுகிறது. விஜய் சேதுபதி மற்றும் டாப்ஸி முக்கிய வேடத்தில் நடிக்கும் இந்த படத்தில் ராதிகா, யோகி பாபு உள்பட பலர் நடித்துள்ளனர். பிரபல இயக்குனர் சுந்தர்ராஜன் மகன் தீபக் சுந்தரராஜன் இந்த படத்தை இயக்கி உள்ளார் என்பது குறிப்பிடத்தக்கது.
Coz sometimes one life is not enough to see it all. #AnnabelleSethupathy
Streaming in Tamil, Telugu, Hindi, Kannada and Malayalam from September 17 only on @DisneyPlusHS pic.twitter.com/DTm9WGIf77
— taapsee pannu (@taapsee) August 26, 2021