CSK உடையில் தளபதி விஜய் – வைரல் புகைப்படம்!

ஐபிஎல் தொடரில் அடுத்தடுத்து இரண்டு வெற்றிகளைப் பெற்று சென்னை சூப்பர் கிங்ஸ் அணி கலக்கி வருகிறது. இந்நிலையில் தமிழ்த் திரையுலகின் உச்ச நட்சத்திரமாக விளங்கும் ‘தளபதி’ விஜய், சென்னை சூப்பர் கிங்ஸ் அணி உடையில் இருப்பது போன்ற புகைப்படம் ஒன்று வைரலாகி வருகிறது. இந்தப் புகைப்படம் எடிட் செய்யப்பட்டது தான் என்றாலும், விஜய் ரசிகர்களும் சென்னை அணி ரசிகர்களும் இதை அதிகமாக பகிர்ந்து வருகிறார்கள். 

2008 ஆம் ஆண்டு ஐபிஎல் போட்டி முதன் முதலில் தொடங்கிய போது, விஜய் தான், சென்னை அணியின் பிராண்டு அம்பாசடராக செயல்பட்டார். அப்போது அவர் சென்னைப் போட்டிகளை நேரில் வந்து கண்டு களித்தார். இதனால் சென்னை அணிக்கு நல்ல விளம்பரம் கிடைத்தது. விஜய்யும் தொடர்ந்து சென்னை அணிக்குத் தான், தன் ஆதரவு என்பதை பல்வேறு சமயங்களில் சொல்லி வருகிறார். இந்தப் பின்னணியில் தான் விஜய் போட்டோ வைரலாகி வருகிறது. 

இந்த முறை ஐபிஎல் தொடரைப் பொறுத்தவரை சென்னை அணி, முதல் போட்டியில் தோல்வியைத் தழுவினாலும், அடுத்தடுத்து இரண்டு பிரம்மாண்டமான வெற்றிகளைப் பெற்றது. இதன் மூலம் அணிகளுக்கான தரவரிசைப் பட்டியலில் இரண்டாவது இடத்தில் இருக்கிறது. 

சென்னை அணியின் தூண் என்று சொல்லப்படும் கேப்டன் தோனி, இன்னும் ஒரு போட்டியில் கூட சோபிக்கவில்லை. அந்த ஒரு விஷயம் தான் சென்னை அணி ரசிகர்களுக்குத் தலைவலியைக் கொடுக்கும் வகையில் இருக்கிறது. மற்றப்படி ஐபிஎல் பட்டையைக் கிளப்பிக் கொண்டிருக்கிறது. 

seithichurul

See Full Bio