சினிமா செய்திகள்
செம ரகளை செய்யும் விஜய் மகன்; அடுத்த குறும்படம் ரிலீஸ்!
அமெரிக்காவில் சினிமா சம்மந்தமான படிப்பை படித்து வரும் நடிகர் விஜயின் மகன் ஜேசன் சஞ்சய், முன்னதாக ஜங்ஷன் எனும் குறும்படத்தை இயக்கி தனது யூடியூப் சேனலில் வெளியிட்டு இருந்தார்.
இதற்கு விஜய் மற்றும் அஜித் ரசிகர்களிடம் இருந்து வரவேற்புகள் குவிந்தன. இந்நிலையில், தற்போது மீண்டும் ஒரு குறும்படத்தை இயக்கி அசத்தியுள்ளார்.
அதிக பொருட்செலவுகள் ஏதுமின்றி கல்லூரி நண்பர்களோடு இணைந்து குறும்படங்களை இயக்கியும் நடித்தும் வருகிறார் ஜேசன் சஞ்சய். சிரி எனும் தலைப்பிடப்பட்டுள்ள புதிய குறும்படத்திற்கு வரவேற்புகள் குவிந்து வருகின்றன.
ஐபோன்களில் உள்ள வாய்ஸ் அசிஸ்டென்ட்டான சிரியிடம் வெதர் ரிப்போர்ட் சஞ்சய் கேட்கிறார். வெதர் ரிப்போர்ட்டை சொல்லும் சிரியை கலாய்க்கும் விதமாக பத்து நிமிடங்கள் தன்னை மறையச் செய்ய முடியுமா என கேட்கிறார்.
அதற்கு சிரி தன்னால் முடியாது என பதிலளிக்கிறது.
அதனை தொடர்ந்து தனது அறைக்குள் செல்ல அவர் முற்படும் போது யார் கண்ணுக்கும் தான் தெரியாமல் மறைந்து விட்டதை உணர்ந்து, மாணவர்களை பயமுறுத்தி ரகளை செய்கிறார்.
இறுதியாக தனது விடைத்தாளில் மதிப்பெண்களை மாற்றும் போது, பத்து நிமிடங்கள் நிறைவடைந்த நிலையில், ஆசிரியர் ஒருவரிடம் அகப்பட்டு கொள்வதாக குறும்படத்தை முடித்துள்ளார்.
