தமிழ்நாடு
அமெரிக்காவில் மனைவியுடன் திருமண நாளை கொண்டாடிய விஜயகாந்த்!
தேமுதிக தலைவர் விஜயகாந்த் அமெரிக்காவில் சிகிச்சையில் இருந்து வருகிறார். அவர் தனது திருமண நாளை மனைவி பிரேமலதா உடன் கொண்டாடிய புகைப்படங்கள் சமூக வலைதளங்களில் வைரலாக பரவி வருகிறது.
தேமுதிக பொதுச்செயலாளர் விஜயகாந்த் கடந்த ஒரு வருடத்துக்கும் மேலாக உடல்நலக்குறைவால் அவதிப்பட்டு வருகிறார். அடிக்கடி வெளிநாடுகளுக்கு சென்று சிகிச்சை பெற்று வரும் விஜயகாந்த் கடந்த ஜூலை மாதம் அமெரிக்கா சென்று சிகிச்சை பெற்று வந்தார். அதன் பின்னர் சென்னை மியாட் மருத்துவமனையிலும் சிகிச்சை பெற்றார்.
இந்நிலையில் கடந்த டிசம்பர் மாதம் மீண்டும் சிகிச்சைக்காக தனது மனைவி பிரேமலதாவுடன் அமெரிக்கா சென்றார் விஜயகாந்த். அங்கிருந்தபடியே கிறிஸ்துமஸ் மற்றும் புத்தாண்டை கொண்டாடிய அவர் புகைப்படங்களையும் வெளியிட்டு தொண்டர்களை உற்சாகப்படுத்தினார்.
இந்நிலையில் இன்று தேமுதிக தலைவர் விஜயகாந்துக்கு திருமண நாள். இதனையொட்டி அவர் தனது மனைவி பிரேமலதாவுடன் கேக் வெட்டி கொண்டாடிய புகைப்படங்களும் வெளியாகியுள்ளன. அந்த புகைப்படத்தில் விஜயகாந்தின் இளைய மகன் சண்முக பாண்டியனும் உள்ளார். இந்த புகைப்படங்கள் தற்போது வைரலாக பரவி வருகிறது.
