சினிமா செய்திகள்
இனி அந்த நிறுவனத்திற்கு படமே கிடையாது: விஜய் எடுத்த அதிரடி முடிவு!
தளபதி விஜய் நடித்த எந்த ஒரு திரைப்படமும் ரிலீஸ் ஆகும் முன் பெரும் பரபரப்பை ஏற்படுத்தும் என்பதும் குறிப்பாக இசை வெளியீட்டு விழாவில் அவரது பேச்சை கேட்க அவரது கோடிக்கணக்கான ரசிகர்கள் மிகுந்த எதிர்பார்ப்பில் இருப்பார்கள் என்பதும் தெரிந்ததே .
ஆனால் தற்போது நடித்து முடித்துள்ள ’பீஸ்ட்’ திரைப்படத்தின் இசை வெளியீட்டு விழா நடத்தப்படாதது விஜய்க்கு பெரும் அதிருப்தியை ஏற்படுத்தி உள்ளது. இதற்கு அதிகாரத்தில் இருக்கும் முக்கிய நபர்கள் தான் காரணம் என்றும் தயாரிப்பாளரே தனிப்பட்ட முறையில் விஜய்யிடம் வருத்தம் தெரிவித்ததாக கூறப்படுகிறது .
ஒவ்வொரு படத்தின் இசை வெளியீட்டு விழாவிலும் அரசியல் மற்றும் பரபரப்பான கருத்துக்களை தெரிவிக்கும் வாய்ப்பு ’பீஸ்ட்’ படத்திற்கு இல்லை என்பது விஜய் ரசிகர்களுக்கும் பெரும் அதிருப்தியை ஏற்படுத்தி உள்ளது .
இந்த நிலையில் இனிமேல் ’பீஸ்ட்’ படத்தின் நிறுவனத்திற்கு படம் நடிக்க மாட்டேன் என விஜய் கூறி இருப்பதாக ஒரு தகவல் சமூக வலைதளங்களில் பரவி வருகிறது. இது எந்த அளவுக்கு உண்மை என்பதை காலம்தான் பதில் சொல்ல வேண்டும்.
