சினிமா செய்திகள்
தோழர் பினராயி விஜயனை வணங்குகிறேன்.. விஜய் சேதுபதி கலக்கம்!
![Vikram-Vedha - Bhoomitoday I respect Sahavu Kerala CM says Vijay Sethupathi](https://www.bhoomitoday.com/wp-content/uploads/2018/11/Vikram-Vedha.jpg)
சென்னை: கஜா புயல் நிவாரணத்திற்காக கேரள முதல்வர் பினராயி விஜயன் உதவி செய்ய முன்வந்ததற்கு நடிகர் விஜய் சேதுபதி நன்றி தெரிவித்துள்ளார்.
கஜா புயல் சேதத்தில் தமிழகத்திற்கு உதவ கேரளா அரசு கரம் கொடுத்து உள்ளது. தமிழகத்திற்கு கேரள முதல்வர் பினராயி விஜயன் நிவாரண பொருட்களை அனுப்பி வைத்துள்ளார்.
கேரள முதல்வரின் இந்த நடவடிக்கைக்கு பலர் நன்றி தெரிவித்து இருக்கிறார்கள். இந்த நிலையில் புயலால் பாதித்த தமிழகத்திற்கு உதவிய கேரளா அரசுக்கு நடிகர் விஜய் சேதுபதி நன்றி தெரிவித்துள்ளார்.
அவர் தனது டிவிட்டில், புயல் தாக்கிய அடுத்த நாளே நிவாரணப் பொருட்களை அனுப்பியதோடு இன்று தமிழர்களின் துயரை துடைக்கும் விதத்தில் தற்போது 10 கோடி ரூபாய் நிதியையும் அறிவித்த கேரள முதல்வர் தோழர் பினராயி விஜயன் அவர்களின் சகோதரத்துவ மனிதம் கண்டு மகிழ்ச்சியோடும் நன்றிகளோடும் வணங்குகிறேன், என்றுள்ளார்.