சினிமா செய்திகள்
விஜய்சேதுபதிக்கு ரூ.20 கோடி சம்பளமா? 2 கோடியில் வில்லனை பிடித்த ‘புஷ்பா’ தயாரிப்பாளர்!
விஜய் சேதுபதி வில்லனாக நடித்த மாஸ்டர் மற்றும் உப்பன்னா ஆகிய இரண்டு திரைப்படங்களும் சூப்பர் ஹிட்டாகி உள்ளன என்பது குறிப்பிடத்தக்கது. மாஸ்டர் திரைப்படம் 300 கோடிக்கு மேலும் உப்பன்னா திரைப்படம் 100 கோடிக்கு மேல் வசூல் செய்துள்ளது. இந்த இரண்டு படங்களிலும் விஜய் சேதுபதியின் நடிப்புக்கு மிகப்பெரிய பாராட்டு கிடைத்தது என்பதும் இரண்டு படங்களையும் விஜய் சேதுபதி படம் என்றே அழைத்து வருகிறார்கள் என்பது குறிப்பிடத்தக்கது.
இந்த நிலையில் ஹீரோவாக நடிப்பதை விட வில்லனாக நடிப்பதில் விஜய் சேதுபதி ஆர்வம் காட்டி வருவதாகவும் அது மட்டுமின்றி ஹீரோவாக நடிப்பதை விட இரு மடங்கு சம்பளம் வில்லனாக நடிப்பதற்கு அவர் கேட்பதாகவும் கூறப்படுகிறது.
இந்த நிலையில் அல்லு அர்ஜுன் நடித்து வரும் புதிய படத்திற்கு விஜய் சேதுபதியை வில்லனாக நடிக்க ஒப்பந்தம் செய்ய தயாரிப்பாளர்கள் அணுகியபோது விஜய் சேதுபதி ரூபாய் 20 கோடி சம்பளம் கேட்டதாக கூறப்படுகிறது. அதனால் தயாரிப்பாளர் பின்வாங்கி தற்போது பகத் பாசிலை ரூபாய் 2 கோடி மட்டுமே கொடுத்து வில்லனாக நடிக்க ஒப்பந்தம் செய்துள்ளார்.
ஆனால் விஜய் சேதுபதி தரப்பிலிருந்து இது குறித்து கேட்ட போது ’புஷ்பா நடிப்பதில் சம்பளம் ஒரு பிரச்சனை இல்லை என்றும் அந்த படம் செம்மரக்கடத்தல் சம்பந்தப்பட்ட படம் என்றும் தமிழர்கள் கைது செய்யப்படுவது போன்ற காட்சிகள் இருப்பதாகவும் அதனால் பிரச்சனை வரும் என்பதால் அந்த படத்தில் நடிக்க விஜய் சேதுபதி மறுத்து விட்டதாகவும் கூறப்படுகிறது.