சினிமா செய்திகள்
தாயார் ஷோபாவை சந்தித்தாரா தளபதி விஜய்: வைரல் போட்டோ!
தளபதி விஜய் தனது தாயாரை சமீபத்தில் சந்தித்ததாக செய்திகள் வெளியான நிலையில் இது குறித்த புகைப்படம் தற்போது இணையதளங்களில் வைரலாக வருகிறது.
தளபதி விஜய்க்கும் அவருடைய பெற்றோருக்கும் பிரச்சனை என்றும் குறிப்பாக எஸ்ஏ சந்திரசேகரரும், விஜய்யும் கடந்த சில ஆண்டுகளாக பேசிக்கொள்வது கூட இல்லை என்றும் கூறப்படுகிறது.
விஜய்யை அரசியலுக்கு இழுப்பதில் எஸ்ஏ சந்திரசேகர் செய்த சில காரியங்கள் விஜய்க்கு பிடிக்கவில்லை என்பதால் இருவருக்கும் கருத்து வேறுபாடு ஏற்பட்டதாக கூறப்பட்டது. இது குறித்து விஜய் காரசாரமான அறிக்கைகளையும் வெளியிட்டிருந்தார் என்பது குறிப்பிடத்தக்கது.
தந்தை மீது எவ்வளவு கோபம் இருந்தாலும் தாயார் ஷோபா மீது விஜய்க்கு மிகுந்த அன்பு என்றும் அதனால் அவ்வப்போது அவர் தாயாரை மட்டும் சந்தித்து வருவதாகவும் கூறப்பட்டது.
இந்த நிலையில் சமீபத்தில் தாயார் ஷோபாவை தளபதி விஜய் சந்தித்ததாக கூறப்பட்டது. இதுகுறித்த புகைப்படம் தற்போது இணையதளங்களில் வைரலாக வருகிறது. ‘பீஸ்ட்’ கெட்டப்புடன் விஜய் இருக்கும் புகைப்படத்தில் அவரது தாயாரும் சேர்ந்து உள்ள புகைப்படத்தை அவரது ரசிகர்கள் வைரலாகி வருகின்றனர்.