சினிமா செய்திகள்
வாரிசு படத்தை தமிழ்நாட்டில் ரிலீஸ் செய்யும் பிரபல நிறுவனம்.. ரெட் ஜெயிண்ட்டுக்கு டஃப் கொடுக்குமா?
விஜய் நடிப்பில் பொங்கலுக்கு ரிலீஸாக தயாராகி வரும் படம் வாரிசு.
வாரிசு படத்தை தெலுங்கு திரைப்பட தயாரிப்பாளர் தில் ராஜ், ஸ்ரீ வெக்கடேஷ்வரா க்ரியேஷன்ஸ் சார்பில் தயாரித்துள்ளார்.
தெலுங்கில் முன்னணி, தமிழில் தோழா படத்தை எடுத்தவுருமான வம்சி இந்த படத்தை இயக்கியுள்ளார்.
விஜய் படத்துக்குப் போட்டியாகப் பல வருடங்களுக்குப் பிறகு அஜித் நடிப்பில் துணிவு திரைப்படமும் வெளியாக உள்ளது.
எனவே திரை அரங்குகளை பிடிப்பதில் இரண்டு தரப்புக்கும் இடையில் மிகப் பெரிய போட்டி நிலவும் என கூறுகின்றனர்.
துணிவு திரைப்படத்தை ரெட் ஜெயிண்ட் நிறுவனம் தமிழ்நாடு முழுவதும் ரிலீஸ் செய்வது உறுதியாகி முழு வீச்சில் திரையரங்குகளை புக் செய்து வருகிறனர்.
We are happy to announce that #Varisu TN theatrical distribution will be done by @7screenstudio ????#Thalapathy @actorvijay sir @directorvamshi @iamRashmika @MusicThaman #VarisuPongal pic.twitter.com/P8MUkQCuQK
— Sri Venkateswara Creations (@SVC_official) November 20, 2022
மறுபக்கம் வாரிசு படத்தை தமிழ்நாட்டில் வெளியீடு செய்யும் உரிமையை 7 ஸ்கிரீன் ஸ்டூடியோ நிறுவனம் வாங்கியுள்ளதாக அதிகாரப்பூர்வ அறிவிப்பு வெளியாகியுள்ளது.
7 ஸ்கிரீன் ஸ்டூடியோ நிறுவனம் தமிழில் அசுர வதம், துக்ளக் தர்பார், காத்துவாக்குல ரெண்டு காதல், மாஸ்டர், கோப்ரா, மஹான் உள்ளிட்ட படங்களைத் தயாரித்து வெளியிட்டது குறிப்பிடத்தக்கது.
வாரிசு படத்தை 80 கோடி ரூபாய்க்கு இந்த நிறுவனம் கைப்பற்றியுள்ளதாக கூறப்படுகிறது.
இரண்டு படக்குழுவினர் இடையிலும் திரை அரங்குகளைப் பிடிப்பதில் போட்டி இருந்தாலும், எந்த படம் ரசிகர்களிடையில் நல்ல வரவேற்பைப் பெறுகிறதோ அதற்கு ஏற்றவாறு திரை அரங்குகள் எண்ணிக்கை ரிலீஸ்க்கு பிறகு மாற அதிக வாய்ப்புகள் உண்டு.