மாஸ்டர் திரைப்பட ட்ரெயலர் வெளியீட்டுத் தேதி அறிவிப்பு!

மாஸ்டர் படம் பொங்கலுக்கு வெளியாவது ஒவ்வொரு வரும் செய்திகள் உறுதி செய்து வருகின்றன.

கொரானா ஊரடங்கு காரணமாக ஏப்ரல் மாதம் வெளியாக இருந்த மாஸ்டர் திரைப்படம் 2021 பொங்கலுக்கு வெளியாக உள்ளது.

படம் பொங்கலுக்கு வெளியானால் மாஸ்டர் பட ட்ரெயல்ர் எப்போது வெளியாகும் என்று ரசிகர்கள் கேள்வி எழுப்ப தொடங்கிவிட்டனர். ஏற்கனவே மாஸ்டர் பட டீசர் ரசிகர்களிடையில் பெரும் வரவேற்பைப் பெற்றுள்ளது.

எனவே ட்ரெய்லர் மீதான ஆர்வமும் அதிகரித்துள்ளது. முதலில், கிறிஸ்துமஸ் தினத்தன்று மாஸ்டர் ட்ரெயலர் வெளியாகலாம் என்று கூறப்பட்டு வந்தது. ஆனால் இப்போது புதுவருடத்தை வரவேற்கும் விதமாகப் புத்தாண்டு அன்று வெளியிட முடிவு செய்துள்ளதாக கூறப்படுகிறது.

ட்ரெயலரின் இறுதியில் மாஸ்டர் படம் திரைக்கு வரும் தேதியின் அதிகாரப்பூர்வ அறிவிப்பும் வெளியாக உள்ளது. தற்போது உள்ள தகவலின் படி மாஸ்டர் படம் ஜனவரி 13-ம் தேதி அல்லது 14-ம் தேதி வெளியாக அதிக வாய்ப்புள்ளதாகக் கூறப்படுகிறது.

மேலும் மாஸ்டர் திரைப்படம் 1000 திரை அரங்குகளில் ரிலீஸ் ஆக வாய்ப்புள்ளதாகவும் தகவல்கள் வருகின்றன. எனவே 2021 பொங்கல் கண்டிப்பாக மாஸ்டர் பொங்கல் தான் என்று விஜய் ரசிகர்கள் கொண்டாட்டத்தில் உள்ளனர்.