ரூ.300 கோடி வசூல் செய்த வாரிசு.. அதிகாரப்பூர்வமாக அறிவித்த தயாரிப்பு நிறுவனம்!

விஜய் நடிப்பில் பொங்கலுக்கு ரிலீஸ் ஆன வாரிசு திரைப்படம் 300 கோடி ரூபாய் வசூல் செய்துள்ளதாகப் படத் தயாரிப்பு நிறுவனம் அதிகாரப்பூர்வமாக அறிவித்துள்ளது.

நீண்ட இடைவெளிக்குப் பிறகு விஜய் நடிப்பில் வாரிசு படமும், அஜித் நடிப்பில் துணிவு படமும் நேருக்கு நேர் மோதின. இது இரண்டு நடிகர்களுக்கு இடையில் யார் வசூலில் ராஜா என நிரூபிக்க நடந்த போட்டியோ இல்லையோ இரு நடிகர்களின் ரசிகர்களிடையில் பெரும் போட்டியாக இருந்தது.

இந்நிலையில் விஜய் நடிப்பில் வெளியான வாரிசு படம் இதுவரையில் 300 கோடி ரூபாய் வசூல் செய்துள்ளதாகப் படத்தைத் தயாரித்த ஸ்ரீ வெங்கடேஷ்வரா கிரியேஷன்ஸ் நிறுவனம் அறிவித்துள்ளது.

விஜய் நடிப்பில் ரிலீஸ் ஆகி 300 கோடி ரூபாய் வசூல் செய்துள்ள இரண்டாவது படம் என்ற பெருமை வாரிசு பெற்றுள்ளது.

3) பிகில் – 7 நாட்கள்

முன்னதாக 2019-ம் ஆண்டு அட்லி இயக்கத்தில் வெளியான பிகில் திரைப்படம் தான் விஜய் நடிப்பில் 300 கோடி ரூபாய்க்கும் அதிகமாக வசூல் செய்த படமாக இருந்தது.

இந்த இரு படங்களைத் தொடர்ந்து விஜய் நடிப்பில் வெளியான மெர்சல், சர்கார் படங்கள் 250 கோடி ரூபாய் வசூல் செய்துள்ளன.

மாஸ்டர் திரைப்படம் 220 கோடி ரூபாயும், பீஸ்ட் திரைப்படம் 210 கோடி ரூபாயும் வசூல் செய்திருந்தன.

தமிழ் சினிமாவை பொறுத்தவரையில் ரஜினி நடிப்பில் வெளியான 2.ஓ திரைப்படம் 700 கோடி ரூபாயும், மணிரத்தினத்தின் பொன்னியின் செல்வம் முதல் பாகம் 450 கோடி ரூபாயும், கமல் நடிப்பில் வெளியான விக்ரம் படம் 400 கோடி ரூபாய் வசூலித்ததே சாதனையாக உள்ளன. 4 மற்றும் 5வது இடத்தில் விஜய் நடிப்பில் வெளியான பிகில் மற்றும் வாரிசு படங்கள் உள்ளன.

இப்போது விஜய் லோகேஷ் கணகராஜ் இயகத்தில் லியோ என்ற படத்தில் நடித்து வருகிறார். படம் 2023-ம் ஆண்டு ஆயுத பூஜை முன்னிட்டு வெளியாகும் என அதிகாரப்பூர்வமாக அறிவிக்கப்பட்டுள்ளது.

seithichurul

See Full Bio