சினிமா செய்திகள்
விஜய் ரசிகர்களை விரட்டி விரட்டி அடித்த போலீஸ்: பொதுமக்களும் ஆதரவு!
விஜய் ரசிகர்களை விரட்டி விரட்டி அடித்த காவல்துறை பொது மக்களும் ஆதரவு தெரிவித்துள்ளது பரபரப்பை ஏற்படுத்தி உள்ளது.
தளபதி விஜய் நடித்து முடித்துள்ள பீஸ்ட் திரைப்படம் வரும் 13ஆம் தேதி வெளியாக உள்ளது/ இந்த படத்திற்கான ஆன்லைன் டிக்கெட் முன்பதிவு நேற்று தொடங்கிய நிலையில் விறுவிறுப்பாக நடந்து வருகிறது.
இந்த நிலையில் பல திரையரங்குகளில் சிறப்பு காட்சி, அதிகாலை காட்சி, ரசிகர்கள் காட்சி ஆகியவைகளுக்கு அனுமதி அளிக்கப்பட்டது என்பதும் இந்த காட்சிகளுக்கு டிக்கெட்டுகளின் விலை ஆயிரம் ரூபாய் முதல் 3,000 ரூபாய் வரை விற்பனையாகி வருவதாக கூறப்படுகிறது.
இந்த நிலையில் கடலூரில் உள்ள ஒரு திரையரங்கில் ரசிகர்கள் மன்ற காட்சிக்கு திரையரங்கு நிர்வாகம் அனுமதி தராததால் ஆத்திரமடைந்த விஜய் ரசிகர்கள் திரையரங்கு நிர்வாகத்தை கண்டித்து திடீரென கடலூர் – புதுவை சாலையில் சாலை மறியல் செய்தனர். இதனால் போக்குவரத்து பெருமளவு பாதிக்கப்பட்டதால் பொதுமக்கள் கடும் அதிருப்திஅடைந்தனர் .
இதுகுறித்து தகவல் அறிந்த காவல்துறையினர் சாலை மறியல் செய்த விஜய் ரசிகர்களை அடித்து விரட்டினர். இதற்கு பொதுமக்களின் அமோக ஆதரவு இருந்தது என்பது குறிப்பிடத்தக்கது. இந்த சம்பவம் காரணமாக கடலூர் சாலையில் பெரும் பரபரப்பு ஏற்பட்டுள்ளது.
