சினிமா செய்திகள்
தலைமை செயலகத்தில் விஜய் கட்-அவுட்: விஜய் ரசிகர்களால் காண்டான ஆளும் கட்சி!
![vijay cutout - Bhoomitoday](https://www.bhoomitoday.com/wp-content/uploads/2022/04/vijay-cutout.jpg)
விஜய் தலைமைச் செயலகத்தில் உட்கார்ந்திருப்பது போன்ற கட்-அவுட் வைத்திருப்பதால் விஜய் ரசிகர்கள் மீது ஆளும் கட்சியினர் அதிருப்தி அடைந்துள்ளதாக கூறப்படுகிறது.
விஜய் நடித்த பீஸ்ட் திரைப்படம் இன்று வெளியாகியுள்ள நிலையில் இந்த படம் படு மோசமான விமர்சனங்களை பெற்று வருகிறது. இந்த நிலையில் இன்று காலை இந்த திரைப்படத்தின் ரிலீஸை கொண்டாடிய விஜய் ரசிகர்கள் பல்வேறு வகைகளில் கட்-அவுட் வைத்துக் கொண்டாடினார்.
அந்த வகையில் மயிலாடுதுறையில் உள்ள ஒரு தியேட்டரில் விஜய் தலைமைச் செயலகத்தில் அமர்ந்து இருப்பதை போன்ற பிரமாண்டமான கட்அவுட்களை வைத்துள்ளனர். மேலும் தியேட்டர்களூக்கு வரும் ரசிகர்களுக்கு இனிப்பு வழங்கியும் பால் பாக்கெட்டுக்களை இலவசமாக கொடுத்தும் விஜய் ரசிகர்கள் அசத்தினர்.
விஜய் அரசியலுக்கு வர வேண்டும் என்ற ஆர்வத்தில் உள்ளதை அடுத்து தலைமை செயலகத்தில் அவர் இருப்பது போன்ற கட்-அவுட் வைத்திருக்கும் நிலையில் இதை பார்த்த உள்ளூர் ஆளுங்கட்சி பிரமுகர்கள் தங்களது அதிருப்தியை தெரிவித்து வருகின்றனர் என்பது குறிப்பிடத்தக்கது.