சினிமா செய்திகள்
விஜய் ஆண்டணியின் உடம்பும் காக்கி ஆகிவிட்டதாம்!
காக்கிச் சட்டை போட்டால் தான் நான் போலீஸ் அல்ல, என் உடம்பே காக்கி தான் என சிக்ஸ் பேக் உடம்பை விரித்துக் காட்டி மாஸ் லுக் காட்டும் விஜய் ஆண்டனியின் புதியபடமான காக்கி படத்தின் ஃபர்ஸ்ட் லுக் வெளியிடப்பட்டுள்ளது.
எஸ். செந்தில்குமார் இயக்கத்தில், விஜய் ஆண்டனி, ஜெய், சத்யராஜ், ஈஸ்வரி ராவ், ரோபோ சங்கர், யோகி பாபு என மாஸ் கூட்டணியில் காக்கி படம் படமாக்கப்பட உள்ளது.
சென்னையில் ஃபர்ஸ்ட் லுக் வெளியீட்டு விழா பட பூஜையுடன் துவங்கியது. திமிரு புடிச்சவன் படத்தை தொடர்ந்து, கொலைகாரன், அக்னிச்சிறகுகள், தமிழரசன் ஆகிய படங்களில் விஜய் ஆண்டனி நடித்து வருகிறார்.
திமிரு புடிச்சவன், தமிழரசன் படங்களில் போலீஸ் அதிகாரியாக நடித்து வரும் விஜய் ஆண்டனி, காக்கி படத்தில் போலீஸ் உடை அணியாத போலீஸ் அதிகாரியாக நடிக்க உள்ளதாக தெரிவிக்கப்பட்டுள்ளது.
இந்த படத்தின் நாயகிகள் குறித்த அறிவிப்பு விரைவில் வெளியாகும் எனவும் தெரிவிக்கப்பட்டுள்ளது.