சினிமா செய்திகள்
விஜய்-அட்லி இணையும் அடுத்த படம் ’பிகில்’ இரண்டாம் பாகமா?
தளபதி விஜய் நடிப்பில் வம்சி இயக்கத்தில் உருவாகி வரும் ’தளபதி 66’ படத்தின் படப்பிடிப்பு ஒரு பக்கம் விறுவிறுப்பாக நடைபெற்றுக் கொண்டிருக்கும் நிலையில் தளபதி 67 படத்தை லோகேஷ் கனகராஜ் இயக்க இருக்கிறார் என்பது உறுதி செய்யப்பட்டுள்ளது.
இந்த நிலையில் தளபதி 68 திரைப்படத்தை அட்லி இயக்க இருப்பதாகவும் அந்த படத்திற்கான திரைக்கதை எழுதும் பணியை அவர் தொடங்கி விட்டதாகவும் கூறப்படுகிறது .
இந்த நிலையில் தளபதி 68 படத்தின் கதை ’பிகில்’ படத்தின் முந்தைய பாகம் என்று கூறப்படுவதால் பெரும் பரபரப்பு ஏற்பட்டு உள்ளது. அதாவது ’பிகில்’ படத்தில் வயதான கேரக்டரான ராயப்பன் கேரக்டரின் இளமைக்காலம் அந்த காலத்தில் அவருக்கு ஏற்பட்ட பிரச்சினைகள் ஆகியவை தான் இந்த படத்தின் கதை என்று கூறப்படுகிறது.
’பிகில்’ படத்தில் முந்தைய பாகமான இந்த படத்தில் விஜய்க்கு ஒரே ஒரு வேடம் மட்டும் தான் என்றும் கூறப்படுகிறது. இதனை இயக்குனர் அட்லி தனது சமூக வலைத்தளத்தில் மறைமுகமாக குறிப்பிட்டுள்ள நிலையில் விஜய் ரசிகர்கள் குஷியாகி உள்ளனர்.
