சினிமா
பிக்பாஸ் நாயகிகளின் இணையதளத்தைக் கலக்கும் வீடியோ!
பிக்பாஸ் இரண்டாவது சீசனில் இரண்டாம் இடம் பெற்றவர் ஐஸ்வர்யா. இவரும் சக போட்டியாளரான யாஷிகா ஆனந்தும் சேர்ந்து ஒரு வீடியோ வெளியிட்டுள்ளனர்.
பிக் பாஸில் போட்டியாளராகக் கலந்துகொண்டதன் வாயிலாக இன்னும் கூடுதலாகக் கவனத்தைப் பெற்றார். இருட்டு அறையில் முரட்டுக் குத்துப் படத்தில் நடித்ததன் வாயிலாக ஏற்கெனவே போதுமான அளவிற்குப் பாப்புலர் ஆகிவிட்ட யாஷிகா ஆனந்த், அதேபோலத் ‘தமிழுக்கு எண் ஒன்றை அழுத்தவும்‘ படத்தில் நடித்த நடிகை ஐஸ்வர்யா, பிக் பாஸில் கலந்துகொண்டதன் பின்னர்த் திடீர் பாப்புலர் ஆனார். ஆனால் ரசிகர்களின் கோபத்திற்கு ஆளானார்.
இந்நிலையில் பிக் பாஸ் நிகழ்ச்சி முடிந்து இயல்புக்குத் திரும்பியுள்ள யாஷிகா மற்றும் ஐஸ்வர்யா தற்போது வீடியோவொன்றைத் தனது இன்ஸ்டகிராம் பக்கத்தில் வெளியிட்டுள்ளனர். அதில், தாங்கள் இந்தப் பாடலை சொந்தமாகக் கம்போஸ் செய்ததாகக் குறிப்பிட்டுள்ள அவர், ஐஸ்வர்யாவுடன் நடனமாடிக் கொண்டே, “நீ இல்லேன்னா நீ இல்லேன்னா ஏதோ ஏதோ ஆகுது மனசு” என ஐஸ்வர்யாவுடன் இணைந்து பாடியும் உள்ளார். இந்த வீடியோ தற்போது இணையத்தைக் கலக்கி வருகிறது.