சினிமா
வெற்றிமாறன் பாராட்டிய குறும்படம் ‘மைக்கேல்’
இயக்குநர் வெற்றிமாறனிடம் உதவி இயக்குநராக இருந்து வருபவர் திரு. அருண் நரேன். இவர் ‘பெண் தற்காப்பு’ குறித்து எடுத்து கடந்த பெண்கள் தினத்தன்று வெளிவந்த‘அவளதிகாரம்’ என்ற குறும்படம் யூ-ட்யூபில் மூன்று மில்லியன் பார்வைகளைக் கடந்து பெண்கள் மத்தியிலும்பெரும் வரவேற்பைப் பெற்றது.
தற்போது அவர் இயக்கிய ‘மைக்கேல்’ என்ற குறும்படம் சர்வதேச அளவில் திரைப்பட விழாக்களில் திரையிடப்பட்டு வருவதோடு மட்டுமல்லாமல் இயக்குநர் வெற்றிமாறனிடமிருந்து பாராட்டையும் பெற்றுள்ளது.
‘பிஹைன்ட்வுட்ஸ் கோல்ட் மெடல் விருதுகள்’ போட்டியிலும் இக்குறும்படம் கலந்துகொண்டு சிறப்புப் பரிசை வென்றுள்ளது குறிப்பிடத்தக்கது.
ஒரு இசைக்கலைஞர் அவர் பயணத்தின்போது எதிர்கொள்ளும் சில பிரச்சனைகளையும் நடைமுறைகால அரசியலையும் இக்குறும்படம் முன்வைக்கிறது.
இப்படத்திற்கு பி.சி. ஸ்ரீராமின் உதவி ஒளிப்பதிவாளர் யாமினி ஒளிப்பதிவு செய்ய,பிரபல நடன இயக்குநர்/நடிகர் ராம்ஜியின் மனைவி அம்ரிதாவும் இயக்குநர் அருண் நரேனும் இணைந்து தயாரிக்க, ராம்ஜியின் மகனே கதாநாயகனாக நடித்துள்ளார்.
இன்னும் சில மாதங்களில் சென்னையில் திரையிட்டு பின் யூ- ட்யூபில் மக்களுக்காக இக்குறும்படம் வெளியிடப்படும் என படக்குழுவினர் தெரிவித்துள்ளனர்.
