சினிமா
டிசம்பரில் வருகிறான் வர்மா!
![verma - Bhoomitoday](https://www.bhoomitoday.com/wp-content/uploads/2018/11/verma.jpg)
நடிகர் விக்ரமின் மகன் துருவ் விக்ரம் இயக்கத்தில் உருவாகியுள்ள வர்மா படம் வரும் டிசம்பரில் வெளியாகிறது.
தெலுங்கில் வெற்றி பெற்ற அர்ஜுன் ரெட்டி படம் ‘வர்மா’ என்ற பெயரில் தமிழில் ரீமேக் செய்யப்பட்டுள்ளது. பாலா இயக்கியுள்ள இந்தப்படத்தில், விக்ரமின் மகன் துருவ் விக்ரம் ஹீரோவாக அறிமுகமாகிறார். மேகா என்ற மாடல் துருவ் விக்ரம் ஜோடியாக நடித்துள்ளார்.
ஏற்கெனவே ஒரு பெங்காலிப் படத்தில் நடித்திருக்கும் மேகா, ‘வர்மா’ மூலம் தமிழில் அறிமுகமாகிறார். கதக் நடனத்தில் தேர்ச்சி பெற்றஇவருடைய கேரக்டர் பெயரும் மேகா என்று தகவல் கிடைத்துள்ளது. முதல் படத்திலேயே சொந்தப் பெயரில் நடிப்பதால் மகிழ்ச்சியில்இருக்கிறார் மேகா.
இந்தப் படத்துக்கு ‘குக்கூ’, ‘ஜோக்கர்’ படங்களை இயக்கிய ராஜு முருகன் வசனம் எழுதியுள்ளார். சென்னையில் உள்ள செம்மொழிப் பூங்கா, வேலூர் ஆகிய இடங்களில் நடைபெற்ற இதன் படப்பிடிப்பு, கடந்த செப்டம்பர் 17-ம் தேதியுடன் நிறைவுற்றது.
சமீபத்தில் வெளியான வர்மா படத்தின் டீஸர் மற்றும் ஃபர்ஸ்ட் லுக் போஸ்டர்கள் சமூக வலைதளங்களில் மீம் மெட்டீரியலாகவும் மாறியது குறிப்பிடத்தக்கது.