சிம்புக்கு டாக்டர் பட்டம்.. வேல்ஸ் பல்கலைக்கழகம் அறிவிப்பு!

சிம்புக்கு டாக்டர் ஐஷரி கே கனேஷ் தலைமையிலான வேல்ஸ் பல்கலைக்கழகம் சார்பில் டாக்டர் பட்டம் வழங்க உள்ளதாக அறிவிப்பு வெளியாகியுள்ளது.

சிம்பு இப்போது வேல்ஸ் ஃபில்ம்ஸ் இண்டர்னேஷனல் நிறுவனத்தின் தயாரிப்பில் வெந்து தணிந்தது காடு படத்தில் நடித்து வருகிறார். தொடர்ந்து வேல்ஸ் நிறுவனம் தயாரிப்பில் கொரோனா குமாரு மற்றும் நதிகளிலே நீராடும் சூரியன் உள்ளிட்ட படங்களில் சிம்பு வேல்ஸ் நிறுவனம் தயாரிப்பில் நடிப்பார் எனக் கூறப்படுகிறது.

இந்நிலையில் வேல்ஸ் பல்கலைக்கழகம் சிம்புக்கு டாக்டர் பட்டம் வழங்குவதாக அறிவித்துள்ளது. சிம்பு வேல்ஸ் நிறுவனம் தயாரிப்பில் நடிப்பதால் இதை வழங்கவில்லை எனவும், வேல்ஸ் பல்கலைக்கழக குழு உறுப்பினர்கள், திரைத்துறையில் சிம்புவின் திறன் மற்றும் ஆளுமை போன்றவற்றை ஆய்வு செய்த பிறகே வழங்குவதாகத் தெரிவித்துள்ளனர்.

சிம்பு திரைத் துறை குழந்தை நட்சித்தரமாக அறிமுகமாகி, இன்று நடிகர், இயக்குநர், பாடகர், இசை அமைப்பாளர், தயாரிப்பாளர் என பல்வேறு முகங்களுடன் பணியாற்றி வருகிறார்.

திரைத் துறையில் உள்ள அனைத்து கிராஃப்ட்கள் பற்றியும் இவருக்கு நன்கு தெரியும். நடிப்பு, தொழில்நுட்பம் என அனைத்திலும் நன்கு தெரிந்து வைத்துள்ளவர் சிம்பு. எனவே சிம்புக்கு டாக்டர் பட்டத்தை வேல்ஸ் நிறுவனம் வழங்க உள்ளதாகத் தகவல்கள் கூறுகின்றன.

வேஸ்ல் பல்கலைக்கழகத்தின் இந்த அறிவிப்பு டிவிட்டரில் இப்போது டிரெண்ட் ஆகி வருவது குறிப்பிடத்தக்கது.