விஜய் டிவியில் இருந்து திடீரென வெளியேறிய வனிதா விஜயகுமார்: இந்த நடிகை தான் காரணமா?

பிக்பாஸ், குக் வித் கோமாளி உள்பட விஜய் டிவியின் பல நிகழ்ச்சிகளில் கலந்து கொண்டிருந்த வனிதா விஜயகுமார் திடீரென விஜய் டிவியில் இருந்து விலகுவதாக கூறியிருப்பது பெரும் பரபரப்பை ஏற்படுத்தி உள்ளது.

வனிதா விஜயகுமார் தற்போது ’பிக்பாஸ் ஜோடிகள்’ என்ற நிகழ்ச்சியில் பங்கேற்று உள்ளார். அந்த நிகழ்ச்சியில் இருந்து திடீரென விலகுவதாக சற்றுமுன் தனது டுவிட்டரில் அறிவித்துள்ளார். இதுகுறித்து அவர் கூறுகையில் ’பிக்பாஸ் கோடி நிகழ்ச்சியில் என்னுடைய காளி அவதாரத்திற்கு பாராட்டிய அனைவருக்கும் எனது நன்றியை தெரிவித்துக் கொள்கிறேன். ஆனால் இந்த நிகழ்ச்சியில் என்னால் நீடிக்க முடியவில்லை.

இந்த நிகழ்ச்சியில் ஒரு நபர் கொடுமைப்படுத்துவதை என்னால் தாங்கிக்கொள்ள முடியவில்லை. பொதுவாக சினிமா தொழிலில் பெண்களுக்கு ஆண்கள் தான் இடையூறாக இருப்பார்கள், ஆனால் சில சமயங்களில் பெண்களும் இடையூறாக இருப்பது அவர்களுடைய திமிர் காரணமாகத்தான் இருக்கும் என்று நினைக்கின்றேன்.

என்னுடைய தொழில் வளர்ச்சியை ஏற்றுக்கொள்ள முடியாமல், எனக்கு கிடைக்கும் வாய்ப்புகளால் பொறாமை ஏற்பட்டு இதனை செய்துள்ளார்கள். எனக்கு வரும் நல்ல வாய்ப்புகளை நாசமாக்க ஒரு சிலர் முயற்சிக்கின்றனர். இருப்பினும் நான் இனிமேல் திரைப்படங்களில் தீவிர கவனம் செலுத்தப் போகிறேன். என்னை இனிமேல் நீங்கள் திரைப்படங்களிலும் மற்ற தொலைக்காட்சி நிகழ்ச்சிகளிலும் பார்க்கலாம்.

எனக்கு இடைஞ்சல் கொடுத்த மூத்த நபர் கடுமையாக உழைத்து முன்னேறியவர், முன்னேற கஷ்டப்பட்டுக் கொண்டிருக்கும் இளைஞர்களை கேவலமாக பார்ப்பது அவர்களது தூக்கத்தை கெடுத்து அவமானப்படுத்துவது வேதனையாக இருக்கிறது’ என்று வனிதா விஜயகுமார் கூறியுள்ளார்.வனிதா விஜயகுமார் இந்த அறிக்கையிலிருந்து இந்த நிகழ்ச்சியிலிருந்து வனிதா விலகியதற்கு கமல், ரஜினி உள்பட பல பிரபலங்களுடன் நடித்த நடிகை தான் காரணம் என்றும் கமெண்ட்ஸ் பகுதியில் ரசிகர்கள் குறிப்பிட்டு வருகின்றனர்.

seithichurul

See Full Bio