சினிமா செய்திகள்
மதுரையில் ‘வலிமை’ செய்த மகத்தான சாதனை: ஆச்சரியத்தில் ரசிகர்கள்!
அஜித் நடித்த ‘வலிமை’ திரைப்படம் மதுரையில் மகத்தான சாதனை செய்துள்ளதாக வெளிவந்திருக்கும் தகவல் ஆச்சரியத்தை ஏற்படுத்தி உள்ளது.
அஜித் நடிப்பில் வினோத் இயக்கத்தில் போனிகபூர் தயாரிப்பில் உருவாகியுள்ள திரைப்படம் வலிமை. இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் கடந்த சில மாதங்களுக்கு முன் முடிந்து ரிலீசுக்கு தயாரானது என்பது தெரிந்ததே.
‘வலிமை’ படம் பொங்கல் தினத்தில் வெளியாகும் என்று அறிவிக்கப்பட்டிருந்த நிலையில் திடீரென ஏற்பட்ட கொரோனா வைரஸ் பாதிப்பு காரணமாக பிப்ரவரி 24ஆம் தேதிக்கு ஒத்திவைக்கப்பட்டது.
இந்த நிலையில் ‘வலிமை’ படத்தை வெளியிட தமிழகத்தில் உள்ள அனைத்து திரையரங்குகளும் முன் வந்து கொண்டிருக்கின்றன என்ற நிலையில் மதுரையில் உள்ள அனைத்து திரையரங்குகளிலும் அதாவது 100 சதவீத திரையரங்கிலும் ‘வலிமை’ திரைப்படமே திரையிடப்பட உள்ளதாக தகவல் வெளிவந்துள்ளது.
இதுவரை தமிழ் சினிமா வரலாற்றில் மதுரையில் அனைத்து திரையரங்கிலும் ஒரே படம் ரிலீஸ் ஆன வரலாறு இல்லை என்பதால் இந்த சாதனை மகத்தானது என கருதப்படுகிறது. மதுரை மட்டுமின்றி சென்னை உள்பட பெரிய நகரங்களில் கிட்டத்தட்ட 90% திரையரங்குகளில் ‘வலிமை’ திரைப்படம் தான் ரிலீஸ் ஆகிறது என்பது குறிப்பிடத்தக்கது.
