சினிமா செய்திகள்
’வலிமை’ ரிலீஸ் தேதி குறித்த முக்கிய அறிவிப்பு!
அஜித் நடித்த ’வலிமை’ திரைப்படம் ஜனவரி 13-ஆம் தேதி வெளியாக இருக்கும் நிலையில் திடீரென ’வலிமை’ படத்தின் ரிலீஸ் தேதியை ஒத்தி வைக்கப்பட்டுள்ளதாக அறிவிக்கப்பட்டுள்ளது.
அஜித் நடிப்பில், வினோத் இயக்கத்தில், யுவன் சங்கர் ராஜா மற்றும் ஜிப்ரான் இசையில் உருவாகியுள்ள திரைப்படம் ’வலிமை’. போனிகபூரின் பல கோடி ரூபாய் செலவில் தயாரித்த இந்த படம் ஜனவரி 13-ஆம் தேதி ரிலீஸ் தேதி அறிவிக்கப்பட்டு ரிலீஸ் பணிகளும் விறுவிறுப்பாக நடைபெற்று வந்தது என்பதும் வெளிநாடுகளில் ஒரு சில திரையரங்குகளில் முன்பதிவு தொடங்கிவிட்டது என்பது குறிப்பிடத்தக்கது.
இந்த நிலையில் தமிழகம் உள்பட இந்தியா முழுவதும் பரவி வரும் ஒமிக்ரான் வைரஸ் பரவல் காரணமாகவும் திரை அரங்குகளுக்கு பல்வேறு கட்டுப்பாடுகள் விதிக்கப்பட்டுள்ளன என்பதும் இரவு நேர ஊரடங்கு உள்ளிட்ட பல்வேறு அறிவிப்புகள் வெளியாகியுள்ள நிலையில் ’வலிமை’ திரைப்படம் திட்டமிட்டபடி ரிலீஸ் ஆகுமா என்ற சந்தேகம் ரசிகர் மனதில் எழுந்தது என்பது குறிப்பிடத்தக்கது
இந்த நிலையில் சற்றுமுன் படக்குழுவினர் வெளியிட்டுள்ள அறிவிப்பில் ’வலிமை’ படத்தின் ரிலீஸ் தேதியை ஒத்தி வைக்கப்படுவதாகவும், ரசிகர்களின் பாதுகாப்பு தான் எங்களுக்கு முக்கியம் என்றும் படத்தின் ரிலீஸ் தேதி பின்னர் அறிவிக்கப்படும் என்றும் ஆனால் ’வலிமை’ திரைப்படம் திரையரங்குகளில் தான் உறுதியாக வெளிவரும் என்றும் அறிவிக்கப்பட்டுள்ளது
மேலும் ரசிகர்கள் அனைவரும் தடுப்பு ஊசி செலுத்தி கொண்டு பாதுகாப்பாக இருக்கும் படியும் கேட்டுக் கொள்வதாக ’வலிமை’ படக்குழுவினர் தெரிவித்துள்ளனர்.
— Suresh Chandra (@SureshChandraa) January 6, 2022