சினிமா செய்திகள்
இன்று இந்த நேரத்தில் வெளியாகிறது ‘வலிமை’ ஃபர்ஸ்ட் லுக்!
‘தல’ அஜித் நடிப்பில் கடந்த இரண்டு ஆண்டுகளாக உருவாகி வரும் திரைப்படம் ‘வலிமை’.
இந்தப் படத்திற்கான ஃபர்ஸ்ட் லுக் அல்லது அப்டேட் கேட்டு கேட்டு அஜித் ரசிகர்கள் ஓய்ந்தே விட்டார்கள். இந்நிலையில் ரசிகர்களுக்கு மகிழ்ச்சி தரும் விதத்தில் வலிமை படத்தின் இயக்குநர் எச்.வினோத், ட்விட்டரில் வலிமை அப்டேட் கொடுத்து உள்ளார்.
அவர், ‘பிரேக்கிங்: மிகவும் எதிர்பார்க்கப்பட்ட தல அஜித்தின் வலிமை ஃபர்ஸ்ட் லுக் மோஷன் போஸ்டர் இன்று மாலை 6 மணிக்கு வெளியாகிறது’ என்று கூறியுள்ளார். கூடவே #AdicheThookalama என்கிற ஹாஷ் டேக்கையும் பதிவிட்டு உள்ளார் வினோத்.
#BREAKING : The most expected #Thala #Ajith ‘s #Valimai First Look Motion Poster will be out this evening after 6 PM IST.. ???? #AdicheThookalama
Stay Tuned to @HvinothOfficiaI ????????
— HVinoth (@HvinothOfficiaI) July 11, 2021
இதன் மூலம் ஃபர்ஸ்ட் லுக் மோஷன் போஸ்டர் தெறிக்கவிடும் வகையில் இருக்கும் என எதிர்பார்ப்பு எகிறி உள்ளது. தற்போது கொரோனா வைரஸ் பெருந்தொற்றுப் பரவல் காரணமாக தமிழ்நாட்டில் திரையரங்குகள் மூடியிருக்கின்றன.
எப்போது திரையரங்குகள் திறக்கப்படுகின்றனவோ, அப்போது தியேட்டரில் ‘வலிமை’ திரைப்படத்தை வெளியிட படக்குழு உறுதியாக உள்ளதாம். அதுவரை போஸ்ட் புரொடெக்ஷன் பணிகளை படக்குழு செய்யுமாம்.