சினிமா செய்திகள்
’வலிமை’ வசூல் குறித்த வதந்திகளுக்கு முற்றுப்புள்ளி வைத்த போனிகபூர்!
அஜித் நடித்த ’வலிமை’ படம் குறித்த வசூல் விபரங்கள் அதிகாரபூர்வமற்ற முறையில் சமூக வலைதளங்களில் பரவி வந்த நிலையில் இந்த தகவல்களுக்கு முற்றுப்புள்ளி வைக்கும் விதமாக ’வலிமை’ படத்தின் வசூலை தயாரிப்பாளர் போனி கபூர் தனது டுவிட்டர் பக்கத்தில் தெரிவித்துள்ளார்.
அஜீத் நடித்த ’வலிமை’ திரைப்படம் கடந்த 24ஆம் தேதி வெளியான நிலையில் இந்த படம் 100 கோடி வசூல் ஆனது என்றும் 200 கோடி வசூல் ஆனது என்றும் சமூக வலைதளங்களில் பலர் தங்களது கருத்துக்களை தெரிவித்து வந்தனர்.
ஒரு சிலர் யூடியுப் வீடியோக்களில் தங்களைத் தாங்களே பத்திரிக்கையாளர் என்று கூறிக்கொண்டு அஜித்தின் ’வலிமை’ திரைப்படம் மிகப்பெரிய தோல்வி என்றும் எதிர்பார்த்த வசூலை எட்ட வில்லை என்றும் தயாரிப்பாளருக்கு லாபம் இல்லை என்று புரளியைக் கிளப்பி வந்தனர்.
இந்த நிலையில் ’வலிமை’ படத்தின் வசூல் குறித்த அதிகாரமற்ற தகவல்களுக்கு முற்றுப்புள்ளி வைக்கும் வகையில் இந்த படம் 200 கோடி வசூலை தாண்டி விட்டதாக அதிகாரப்பூர்வமாக தயாரிப்பாளர் போனிகபூர் அறிவித்துள்ளார்.
இதனை அடுத்து சமூக வலைதளங்களில் வெளியான தகவல்கள் உண்மை என்பது தற்போது தெரியவந்துள்ளது. 200 கோடியை தாண்டி வசூல் செய்த ’வலிமை’ திரைப்படம் நாளை ஓடிடியிலும் ரிலீசாக உள்ளது என்பது குறிப்பிடத்தக்கது.
#AjithKumar Biggest Blockbuster Action Movie of 2022 #ZEE5 https://t.co/B1qCeTKqYP
@ZEE5 bringing this 200+ Crores Box office records South Indian action experience #Valimai in Hindi too.
Premiering in Hindi| Tamil | Telugu | Kannada from 25th March 2022, only on #ZEE5
— Boney Kapoor (@BoneyKapoor) March 23, 2022