மதிமுக வேட்பாளர் பட்டியல் வெளியீடு: வைகோ போட்டியா?

தமிழகத்தில் ஏப்ரல் 6-ஆம் தேதி சட்டமன்ற பொதுத்தேர்தல் நடைபெற இருக்கும் நிலையில் நாளை முதல் வேட்பு மனு தாக்கல் தொடங்க உள்ளது என்பது குறிப்பிடத்தக்கது. இதனை அடுத்து அரசியல் கட்சிகள் தொகுதிகளை ஒதுக்கும் பணிகள், வேட்பாளரை அறிவிக்கும் பணிகள், ஆகியவற்றை கடந்த சில நாட்களாக செய்து வருகின்றன

கிட்டத்தட்ட திமுக அதிமுக கூட்டணியில் உள்ள கட்சிகள் வேட்பாளர்களை அறிவித்து விட்டன என்பதும் குறிப்பிடத்தக்கது. இந்த நிலையில் திமுக கூட்டணியில் 6 சட்டமன்ற தொகுதிகளை பெற்ற வைகோவின் மறுமலர்ச்சி திராவிட முன்னேற்றக் கழகம் கட்சிக்கு ஒதுக்கப்பட்டுள்ள தொகுதிகள் குறித்த விவரங்கள் சற்றுமுன் வெளியாகியுள்ளது

அதன்படி மதிமுக வேட்பாளர்கள் பட்டியலை வைகோ சற்றுமுன் வெளியிட்டுள்ளார். அரியலூரில் சின்னப்பா, மதுராந்தகம் தொகுதியில் மல்லை சத்யா, பல்லடம் தொகுதியில் முத்துரத்தினம், சாத்தூர் தொகுதியில் ரகுராம், வாசுதேவநல்லூரில் சதன் திருமலைக்குமார் மற்றும் மதுரை தெற்கு தொகுதியில் பூமிநாதன் ஆகியோர் போட்டியிடுகின்றனர்

வைகோ ஏற்கனவே ராஜ்யசபா எம்பியாக இருப்பதால் அவர் இந்த தேர்தலில் போட்டியிடவில்லை என்பது குறிப்பிடத்தக்கது.

seithichurul

See Full Bio