தமிழ்நாடு
மூத்த அரசியல் தலைவர்களிடம் ஆசி பெறும் உதயநிதி: வைரல் புகைப்படங்கள்!
தமிழகத்தில் நடைபெற்று முடிந்த சட்டமன்ற தேர்தலில் திமுக அமோக வெற்றி பெற்றது என்பதும் இதனை அடுத்து திமுக தலைவர் முக ஸ்டாலின் அவர்கள் இன்னும் ஓரிரு நாளில் தமிழக முதல்வராக பொறுப்பேற்க உள்ளார் என்பதும் தெரிந்ததே.
இந்த நிலையில் சென்னை சேப்பாக்கம் தொகுதியில் முதல் முறையாக போட்டியிட்டு வெற்றி பெற்ற திமுக தலைவர் ஸ்டாலின் மகன் உதயநிதிக்கு வாழ்த்துக்கள் குவிந்து வருகிறது. இவர் அமைச்சராகும் வாய்ப்பும் உள்ளதாக கூறப்பட்டு வருகிறது.
ஒடுக்கப்பட்ட மக்களின் மேன்மைக்காகவும் –
பாசிசத்தை வீழ்த்திடவும் உழைக்கும் வி.சி.க தலைவர் அண்ணன் @thirumaofficial அவர்களை சந்தித்து வாழ்த்து பெற்றேன். சேப்பாக்கம் – திருவல்லிக்கேணி தொகுதியில் எனக்காக பிரச்சாரம் மேற்கொண்ட அண்ணன் அவர்களுக்கு எனது நன்றியை தெரிவித்துக் கொண்டேன். pic.twitter.com/g4FpNu8JIi— Udhay (@Udhaystalin) May 4, 2021
இந்த நிலையில் கூட்டணி கட்சி தலைவர்கள் மற்றும் மூத்த அரசியல் கட்சி தலைவர்களை நேரில் சந்தித்து உதயநிதி ஸ்டாலின் ஆசி பெற்று வருகிறார். கடந்த சில மணி நேரங்களுக்கு முன்பாக அவர் தேமுதிக தலைவர் விஜயகாந்த் அவர்களை மரியாதை நிமித்தமாக சந்தித்து அவரிடம் ஆசி பெற்றார்.
தேமுதிக தலைவர், திரையுலகின் மூத்தவர் அண்ணன் @iVijayakant அவர்களை அவரது சாலிகிராமம் இல்லத்தில் சந்தித்து நலம் விசாரித்தேன். கழகத்தின் வெற்றிக்காகவும் – எனது வெற்றிக்காகவும் அன்போடு வாழ்த்திய அண்ணன் அவர்களுக்கு அன்பும், நன்றியும். #PremalathaVijayakant @lksudhish @vj_1312 pic.twitter.com/NbimFNeSzb
— Udhay (@Udhaystalin) May 4, 2021
அதன் பின்னர் கூட்டணி கட்சித் தலைவர்களான திருமாவளவன், வைகோ ஆகியோர்களை சந்தித்து ஆசி பெற்றார். மேலும் பெரிய திராவிட இயக்கத் தமிழர் பேரவை பொதுச் செயலாளர் சுப வீரபாண்டியன் அவர்களையும் கவிஞர் மனுஷ்யபுத்திரன் அவர்களையும் சந்தித்து ஆசி பெற்றார்.
தமிழகத்தின் முன்னேற்றத்துக்காகவும் நலனுக்காகவும் தொடர்ந்து களப்பணியாற்றி வருபவர் – மதச்சார்பற்ற முற்போக்கு கூட்டணியின் வெற்றிக்காக உழைத்தவர் ம.தி.மு.க பொதுச்செயலாளர் அண்ணன் வைகோ அவர்களை நேரில் சந்தித்து வாழ்த்து பெற்றேன். என்னை உள்ளன்போடு வாழ்த்திய அண்ணன் அவர்களுக்கு நன்றி. pic.twitter.com/9wD50msbjh
— Udhay (@Udhaystalin) May 4, 2021
முதன்முதலாக போட்டியிட்டு வெற்றி பெற்ற உதயநிதி ஸ்டாலின் அவர்கள் மூத்த அரசியல் தலைவர்களுக்கு மதிப்பும் மரியாதையும் கொடுத்து வருவது பாசிட்டிவாக பார்க்கப்பட்டு வருகிறது.
திராவிட இயக்க கொள்கைகளை இளைய தலைமுறையினரிடம் கொண்டு சேர்க்கும் பெரும்பணியைச் செய்து வரும் திராவிட இயக்கத்தமிழர் பேரவை பொதுச்செயலாளர் அண்ணன் @Suba_Vee அவர்களை நேரில் சந்தித்து வாழ்த்து பெற்றேன். என்னை அன்போடு வரவேற்று வாழ்த்திய அண்ணனுக்கு நன்றி. pic.twitter.com/qUbU3Ei2k4
— Udhay (@Udhaystalin) May 4, 2021